Marino Curnis
| Marino Curnis | |
|---|---|
 itala vojaĝanto, verkisto, artisto | |
| Persona informo | |
| Naskiĝo | 07-an de majo 1973 en Bergamo, Italio |
| Lingvoj | Esperanto |
| Nacieco | italo |
| Ŝtataneco | Italio |
| Okupo | |
| Okupo | vojaĝisto • esperantisto |
Marino CURNIS naskiĝis la 7-an de majo 1973 en Bergamo. Estas itala esperantisto fama en la tuta mondo[1] ĉefe pro sia vojaĝo piede de Bergamo, Italio, al Irano[2] "Eurasia Pedibus Calcantibus"[3], laŭ 6000 kilometroj kaj dum 13 monatoj (9-an de januaro 2006 - 7-an de februaro 2007).[4]
Vivo kaj Esperanto
Marino Curnis (legu: Marino Kurnis) krom la vojaĝo (kiu estas lia ĉefa okupo) dediĉas sin al multnombraj interesoj: estas verkisto, poeto, muzikisto kaj li amas lingvojn, nome ŝlosiloj por koni la "aliajn" kulturojn.[5] Ekde 2003 li lernas la internacian lingvon Esperanto-n[6] (li posedas diplomon de unua kaj dua nivelo). En 1992 li diplomiĝis Asistanto por Infanaj Komunumoj kaj antaŭe li frekventis la Klazika Liceo (Gimnazio).
Pied-Vojaĝoj kaj Ekskursoj
Alpoj: "Punta Rossa" (Aosta, mt.3660), "Pizzo Coca", "Pizzo Camino", "Pizzo Tre Signori", "Corno Stella", kaj tiel plu). Du-foje li pied-iris la “Sentiero delle Orobie Orientali” per tendo.
En 2003 li pied-iris la "Camino de Santiago do Compostela" norde de Hispanio, ekde "St.Jean Pie-du-Port" Francio al "Santiago do Compostela" kaj dauriĝe ĝis "Finis Terrae". 1021 kilometroj dum 37 tagoj.
En 2006 li pied-iris de Italio al Irano dum 13 monatoj, tra 9 nacioj (Italio, Aŭstrio, Hungario[7], Rumanio, Bulgario, Turkio, Moldavio, Ukrajnio, Irano), laŭ 6000 kilometroj. "Eurasia Pedibus Calcantibus".[8]
En 2007 li pied-iris la Rondiron de "Annapurna", de "Besisahar" al "Pokhara". 230 kilometroj dum 18 tagoj. Tiuokaze li atingis la "Thorung-La", metroj 5416 sur marnivelo.
Aliaj Vojaĝoj
- 17/10/1998-24/01/1999 BARATO: Mumbajo (Bombay); VARANASI (Benares).
- 20/06/2001-20/08/2001 GERMANIO: Waldkirchen, Bavario.
- 27/09/2001-26/11/2001 NEPALO: Pathiani Town, Chitwan.
- 26/11/2001-05/01/2001 BARATO: norda Barato.
- 06/02/2001-06/03/2001 (HISPANIO): Lanzarote, Kanarioj.
- 31/05/2003-05/04/2003 FRANCIO: Parizo.
- 06/04/2003-12/05/2003 HISPANIO: Camino de Santiago de Compostela
- 13/05/2003-22/05/2003 PORTUGALIO: Porto; Lisbono.
- 14/07/2003-30/07/2003 BARATO KAJ NEPALO: Nov-Delhio; Pathiani Town.
- 28/11/2003-13/12/2003 PORTUGALIO: "tour" per publikaj trafikiloj.
- 09/01/2006-10/02/2007 EURASIA PEDIBUS CALCANTIBUS: Italio-Irano piede.[9]
- 16/10/2007-15/12/2007 NEPALO: tour kaj Rondiro de Annapurna piede.
Verkado
En 2003 eldonis la libron Esploratore Involontario, unua eksterordinara romano ital-lingva.
En 2008 eldonis sian duan libron Il Sogno Calpestato, vojaĝ-taglibro pri "Eurasia Pedibus Calcantibus", piede de Bergamo al Irano. Ital-lingve.
Ankoraŭ en 2008 eldonis fotografian albumon ORME-Visioni&Poesia di un Viaggiatore, kun poemoj Itale kaj Esperant-lingve.
En 2009 eldonas la gvid-libron por sendependaj vojaĝantoj Il Circuito dell'Annapurna (ital-lingve) kaj du kolektojn de poemoj: Amor ch'ha nullo amato amar perdona kaj XIX, kolekto de tri-lingvaj poemoj: Itale, Esperante, Angle. Samjare li eldonas la fotografian albumon III Viaggio in Nepal 2007 - Circuito dell'Annapurna.
Referencoj
- ↑ Senato della Repubblica Italiana
- ↑ Hurriyet, nacia turka ĵurnalo
- ↑ Amaskomunikila Revuado el la tuta Mondo
- ↑ "Kontakto" n.215-216 (2006:5-6) p.3-4
- ↑ "tejo tutmonde", 2006 p.20
- ↑ "Komencanto", 2005
- ↑ "Juna Amiko" kovrilo de 33a jaro n.1/06 (115) Aprilo 2006
- ↑ "Kontakto" n.201 (2005:6) p.6-7
- ↑ "L'Esperanto" IEF GEN/FEB 2006 p.10
Bibliografio
- Marino Curnis, Esploratore Involontario, Lupo&SoleEdizioni, 2003.
- Marino Curnis, Il Sogno Calpestato, Tera Mata, 2008.
- Marino Curnis, ORME-Visioni&Poesia di un Viaggiatore, Lupo&SoleEdizioni, 2008.
- Marino Curnis, Il Circuito dell'Annapurna, Lupo&SoleEdizioni, 2009.
- Marino Curnis, Amor ch'ha nullo amato amar perdona, Lupo&SoleEdizioni, 2009.
- Marino Curnis, XIX, Lupo&SoleEdizioni, 2009.