Nacia Parko de Monto Revelstoke

El Vikipedio, la libera enciklopedio
Saltu al: navigado, serĉo
Nacia Parko de Monto Revelstoke


Situo de Nacia Parko de Monto Revelstoke en Brita Kolumbio
Bazaj informoj
Situo: Brita Kolumbio, Kanado
Plej proksima urbo: Revelstoke
Koordinatoj 51° 05' N, 116° 04' U Mapo
Areo: 260 km²
Fondita: 1914
Vizitado: proks. 500.000 (en ĉiu jaro)
Estrado
Respondeca instanco: Parks Canada
v  d  r
Information icon.svg

Nacia Parko de Monto Revelstoke troviĝas apud la urbo Revelstoke en Brita Kolumbio (Kanado). La parko estas inter iom malgranda laŭ la mezuro de nacia parko, kun areo de nur 260km².

Ĝi situas en la Kolumbia Montaro kaj fondiĝis en la jaro 1914. Proksimume 500.000 vizitantoj venas al la parko ĉiun jaron.

Klimato[redakti | redakti fonton]

En la parko estas parto de la ununura moderklimata enlanda pluvarbaro. Oni trovas tie krutajn montarojn en varma, humida klimato. Oni kutime trovas grandan diversecon de plantaj kaj bestaj vivoformoj en grupoj de malnovaj tujoj kaj cugoj, arbartipo kiu rapide malaperas ekstere de protektitaj terenoj.

La parko ankaŭ protektas malgrandan aron de la minacata monta karibuo, kaj ĝi provizas vivmedion por grizaj ursoj kaj oreamnoj. La parko prezentas terenon tute alia ol tiuj trovataj oriente en Rok-Montaro aŭ okcidente en la Marborda Montaro.

Turismo[redakti | redakti fonton]

Herbejo proksima al la montopinto

Nacia Parko de Monto Revelstoke famas pro siaj someraj elmontroj de sovaĝaj floroj. Ĉiun jaron la herbejoj de la supra subalpa zono burĝonas je buntaj koloroj ĝis la mezo de aŭgusto. Ĝuste la beleco de tiuj ĉi herbejoj, tiel proksimaj al la urbo, inspiris grupon de Revelstokanoj eklobii por kreado de nacia parko en la jaro 1914.

Tiutempe ankaŭ skiado burĝonis kiel populara aktiveco. La skisaltejo de Monto Revelstoke estis unu el la unuaj de Kanado, kaj ĝi siatempe estis internacie fama kiel unu el la plej bonaj naturaj skisaltejoj de la mondo. Pluraj mondaj rekordoj en skisaltado fariĝis ĉi tie.

Vidu ankaŭ[redakti | redakti fonton]

Aliaj projektoj[redakti | redakti fonton]

Eksteraj ligiloj[redakti | redakti fonton]