Norrbottens län

El Vikipedio, la libera enciklopedio
Saltu al: navigado, serĉo
Norrbottens län
Blazono de la provinco Situo en Svedio
Norrbotten vapen.svg SverigesLän2007Norrbotten.svg
Ŝtato Flago-de-Svedio.svg Svedio
Provinca litero BD
Provinca kodo 25
Historia(j) provinco(j) Norda Botnio kaj parto de sveda Laponio
Ĉefurbo Luleå
Komunumoj 14
Provincestro Per-Ola Eriksson
Areo (suma) 98.249 km²
Loĝantoj 248.421 (stato de la 31-a de marto 2011[1])
Ekestodato 1810
Retejo www.bd.lst.se
v  d  r
Information icon.svg

Norrbottens län estas la plej norda el la 20 modernaj provincoj de Svedio. Ĝia areo kovras tiun de la historia provinco Norda Botnio kaj krome parton de sveda Laponio. Administra centro de la provinco estas la urbo Luleå. Laŭ la stato de la 1-a de januaro 2008, la provinco kovras areon de 98.249 kvadrataj kilometroj, kaj la 31-an de marto 2011 en ĝi vivis 248.421 loĝantoj.

La teritorio de la provinco kovras proksimume 23,5 % de la suma areo de Svedio. Kompare al la sudo kaj centro de Svedio, ĝi estas tre maldense loĝata.

En la provinco troviĝas la monto Kebnekaise, kiu altas 2.111 metrojn kaj sekve estas la plej alta monto de Svedio, kaj la lago Hornavan, kiu per profundo de 232 metroj estas la plej profunda lago de Svedio.

La tradicia setloregiono de la sameoj, do la teritorio Sameio ampleksas inter alie tiun-ĉi provincon de Svedio, krom la plejan nordon de Norvegio kaj Finnlando, kaj iom da najbara regiono de la Kola duoninsulo en Rusio.

Kebnekaise, la plej alta monto de Svedio


Notoj kaj referencoj[redakti | redakti fonton]

  1. http://www.scb.se/Pages/TableAndChart____228187.aspx