Odo de Bayeux

El Vikipedio, la libera enciklopedio
Saltu al: navigado, serĉo
Odo, maldekstre

Odo de BayeuxOdo de Conteville (foje oni trovas ankaŭ la formojn OdonEudes) (naskiĝis inter 1032 kaj 1037 en Normandio; mortis en 1097) estis duonfrato de Vilhelmo la Konkerinto.

Lia patro, Helluin de Conteville estas modesta sinjoro normana, al kiu la duko de Normandio Roberto donis sian konkubinon, Herleva de Falaise, kiel edzinon.

Odo estas nomumita de Vilhelmo la Konkerinto ekde 1049 kaj malgraŭ sia juna aĝo, episkopo de Bayeux. Li estas pli batalema kaj ĉasema ol religia kaj batalas dum la Batalo de Hastings en 1066. Li iĝas grafo de Kent kaj estas nomumita por estri Normandion dum la malĉeesto de Vilhelmo. Pro nekonataj kialoj (eble pro politikaj ambicioj por la papa trono), li estas malliberigita de Vilhelmo en 1082 kaj liberigita nur iom antaŭ ties morto en 1087.

Komence de la regado de Vilhelmo la 2-a, li ribelas kontraŭ la reĝo kaj perdas ĉiujn siajn anglajn posedaĵojn. Li mortas kaj estas entombigita en Palermo (Sicilio) en 1097, kiam li akompanis sian nevon al la 1-a Krucmilito.

Li estas la mendinto de la fama Tapiŝo de Bayeux.