Paul Charles William Davies
Paul Charles William Davies (naskiĝis la 22-an de aprilo 1946 en Londono, Unuiĝinta Reĝlando) estas angla fizikisto, eseisto kaj scienca vulgariganto, fama ankaŭ pro siaj studoj pri kosmologio kaj astrobiologio.
Paul Charles William Davies magistriĝis ĉe University College de Londono en 1967 kaj akiris poresploran doktorecon en 1970 esplorante ĉe la astronomia observatorio de la sama universitato direktita de Fred Hoyle. Li estas titolulo de la katedro pri naturfilozofio ĉe la aŭstralia centro por astrobiologio de la Macquarie University en Sidnejo.
Li estis titolulo de katedroj ĉe Universitato de Kembriĝo, de Londono, de Newcastle upon Tyne kaj de Adelajdo. Liaj esplorinteresoj etendiĝas el la Kosmologio al la Kvantuma kampa teorio, al la astrobiologio
Ekde 2005 li estas direktoro de la SETI (Post-Detection Science and Technology Taskgroup) de la Internacia Akademio de Astrofiziko. Li estas ankaŭ membro de la Microbes Mind Forum.
Prisciencaj vidpunktoj de Paul Charles William Davies
Paul Charles William Davies kosmologiscience alproksimiĝas al Roger Penrose kaj John David Barrow koncerne la rilatojn inter la Universo kaj la Konscienco. Li profunde esploris iujn el la plej angulplenaj problemoj de la samtempa kosmologio kontribuante senmitigi diversajn tabuojn ĉe scienculoj ĉi-kampaj: la koncepto pri senfino, la teorio de la naturo, la destino de la universo kaj ĝia origino, la apartaj nombraj rilatoj kiuj staras ĉe la bazo de la kosmo kaj de la homa vivo.
Li esploris pri la rolo de la teologia kredo en la priscienca esploro pensigante, ke la “fido” (konvinko) de la scienculoj pri la neŝanĝebleco de la fizikaj leĝoj devenas el la kristana teologio, kaj ke la konfido pri scienco “libera el ĉiu kredo” estas “malkaŝe falsa”: kio provokis hororajn reagojn ĉe diversaj scienculoj, al kiuj li respondis liverante kromajn precizigojn pri siaj konceptoj.
Davies duelis ankaŭ, pro sia teologia kredo, kun Richard Dawkins kiu vidas en Davies danĝeron, pro tiuj tezoj, por la scienco mem.[1]
En siaj esploroj pri la ebla vivo ekstertera, li proponis aliajn novajn metodojn de esploro inokuligante ke la nunaj ĉi-kaze esploristoj proponas metodojn imagante ke la vivotipo de la tero estas ankaŭ tiu de la eventuala astrobiologia vivo (nova formo de antropocentrismo.[2]
En la naturo li vidas aspektojn de celismo
Sian pensadon li resumis tiel: “Ateistoj deklaras ke le leĝoj (naturaj) 'senracie' ekzistas kaj ke la universo estas 'definitive absurda;' kiel scienculo mi trovas ke tio estas 'malfacile akceptebla,' ĉar ne povas manki tereno 'racia senŝanĝa' en kiun la naturo logika kaj orda alfondas siajn radikojn”. (El liaj verkoj).
Libroj
Li estas aŭtoro de ĉirkaŭ 30 publikigaĵoj, inter kiuj, diversaj el kiuj emantaj al vulgarigado. Sennombras la lingvoj en kiuj legiĝas liaj verkoj. Inter ili:
- 1974 The Physics of Time Asymmetry, ISBN 0-520-03247-0
- 1978 The Runaway Universe ISBN 0-460-04286-6
- 1979 Stardoom ISBN 0-00-635318-5
- 1980 Other Worlds, ISBN 0-460-04400-1
- 1981 The Edge of Infinity, ISBN 0-14-023194-3
- 1982 The Accidental Universe ISBN 0-521-28692-1
- 1982 Quantum Fields in Curved Space (with N.D. Birrell), ISBN 0-521-27858-9
- 1983 God and the New Physics ISBN 0-14-022550-1
- 1984 Superforce, ISBN 0-04-539006-1
- 1986 The Ghost in the Atom, ISBN 0-521-31316-3
- 1987 The Cosmic Blueprint, ISBN 0-04-440182-5
- 1988 Superstrings: A Theory of Everything ISBN 0-521-35741-1
- 1991 The Matter Myth, ISBN 0-670-83585-4
- 1992 The Mind of God, ISBN 0-671-71069-9
- 1994 The Last Three Minutes ISBN 1-85799-336-5
- 1995 Are We Alone? ISBN 0-14-025179-0
- 1995 About Time: Einstein's Unfinished Revolution, ISBN 0-670-84761-5
- 1998 The Fifth Miracle: : The Search for the Origin and Meaning of Life. New York: Simon and Schuster. ISBN 0-684-83799-4
- 2002 How to Build a Time Machine ISBN 0-14-100534-3
- 2007 The Goldilocks Enigma, also under the title Cosmic Jackpot, ISBN 0-14-102326-0
- 2008 Quantum Aspects of Life (Eds. Derek Abbott, Paul C. W. Davies, and Arun K. Pati, with foreword by Sir Roger Penrose), ISBN 1-84816-267-7
- 2010 The Eerie Silence, ISBN 1-4001-6551-2
- 2010 Information and the Nature of Reality: From Physics to Metaphysics, ISBN 978-0-521-76225-0
Publikaj rekonaj distingiloj por Paul Charles William Davies
La talento de Davies kiel priscienca vulgariganto estis premiita en Aŭstralio de Advance Australia Award kaj Australian Museum Eureka Prizes, dum en Unuiĝinta Reĝlando lin honoris la Medalo Kelvin 2001 kaj la premio de la Instituto de Fiziko, kaj en 2002 la Michael Faraday Prize de la Royal Society. Pro sia kontribuo al la plej profundaj implicoj de la scienco, al Davies estis alijuĝita la premio Templeton en 1995.