Petőfi-ponto
Petőfi-ponto estas grava ponto en Budapeŝto (inter Ferencváros kaj Újbuda) trans la Danubo. Ankaŭ en Győr estas ponto same nomata.
- tuta longo: 378 m (kun la aliĝaj partoj 514 m)
- plej longa aperturo: 154 m kaj estas 2 pli malgrandaj aperturoj
- larĝo: 25.6 m
La ponto havas 2×2 striojn por aŭto, po 2 striojn por tramo kaj por perpieduloj. Ĝi plilongigas la grandan bulvardon al Buda.
La ponto pretiĝis en 1937, tiam nomita omaĝe al Miklós Horthy. En 1945 la faŝistoj eksplodigis la ponton, kiu rekonstruiĝis en 1952, tiam jam havanta novan nomon Petőfi. Renovigoj okazis en 1966, 1980 kaj en 1996. Ĉe la pontofinaĵo en Buda universitato etendiĝas (kiel la foto prezentas). En la alia pontofinaĵo estas trafika nodo, kie finiĝas ekzemple interurba tramo el Csepel.
