Provinco Valadolido

El Vikipedio, la libera enciklopedio
Saltu al: navigado, serĉo
Localización de la provincia de Valladolid.svg

La provinco Valadolido estas provinco de Hispanio apartenanta al la aŭtonoma komunumo Kastilio kaj Leono, nordoriente de la Iberia duoninsulo.

Ĝia ĉefurbo estas la samnoma urbo Valadolido. ĝi limas kun la provincoj Burgoso, Palencio kaj Leono norde; kun Zamoro, okcidente; kun la provincoj Salamanko kaj Avilo sude; kaj kun la provinco Segovio oriente. Temas pri la nura hispana provinco kiu estas tute kaj nure ĉirkaŭata de aliaj provincoj de la sama aŭtonoma regiono.

La provinco havas 533.640 loĝantojn, areon je 8.110 km² kaj loĝdenson je 65,80 loĝ/km². Entute ĝi havas 225 municipojn.

En ĉi tiu provinco sidejis la ĉefurbo de la kastilia kortego kaj la antikva ĉefurbo de la Hispana Imperio dum la regadoj de Karlo la 1-a, Filipo la 2-a kaj Filipo la 3-a. Ĝi estas provinco plenpleta de kasteloj kaj fortikaĵoj. La ĉefurbo Valadolido disponas je grava art-historia heredaĵo kaj unu el la plej gravaj muzeoj pri skulptaĵoj en Eŭropo. La provinco ankaŭ famas pro la defiladoj dum la Sankta Semajno, kaj en la ĉefurbo kaj en municipoj kiel Medina de Rioseco kaj Medina del Campo.