Slade Gorton

El Vikipedio, la libera enciklopedio
Saltu al: navigado, serĉo
Oficiala senata portreto

Thomas Slade Gorton III (kutime Slade GORTON, elp. SLEJD GORtn, n. la 8-an de januaro, 1928) estis senatano de Vaŝingtonio, kaj antaŭe ĉefadvokato de Vaŝingtonio.

Li naskiĝis en Ĉikago, servis en la armeo tuj post la fino de la 2-a mondmilito, ricevis universitatan gradon de Dartmouth College kaj juran gradon de Columbia University, kaj poste servis en la Aerarmeo 1953-1956.

Li ekaktivis politike (en la Respublikana Partio) en 1958, elektiĝante al la Vaŝingtonia parlamento, kie li servis 1959-1969. En 1969 li elektiĝis kiel ĉefadvokato de Vaŝingtonio, servante tiel ĝis 1981. Li konatiĝis pro sia nekutima kutimo persone argumenti la subŝtatan starpunkton, kiam Vaŝingtonio partoprenis proceson antaŭ la Usona Ĉefkortumo.

Li elektiĝis al la Usona Senato en 1980, venkante la delongan senatanon Warren G. Magnuson. En 1986, Brock Adams venkis lin per malmultvoĉa plimulto. En 1988 li denove elektiĝis, post la demisio de Daniel J. Evans, kies partia aliancano li estis. Li restis en la Senato ĝis 2000, kiam lin venkis Maria Cantwell.