Universitato de Torino

El Vikipedio, la libera enciklopedio
Saltu al: navigado, serĉo
La Rektorejo de la Universitato de Torino

La Universitato de Torino estas unu el la plej malnovaj italaj universitatoj, fondita en Torino en 1404 pro iniciato de princo Ludovico di Acaia, regante Amedeo la 8-a, unua Duko de Savojo. Ĝi estis modernigita laŭ la modelo de Universitato de Bolonjo post la reformo fare de Emanuele Filiberto la 1-a de Savojo, se nur post la reformo de Vittorio Amedeo la 2-a de Savojo ĝi vere iĝis modelo por aliaj universitatoj, inter la aliaj la Sorbono de Parizo, kiun laŭdire Napoleono volis simila al la torina.

Interlingvistiko ĉe la Universitato de Torino[redakti | redakti fonton]

En la 20a jarcento la Universitato iĝis grava por interlingvistiko pro la profesoro Giuseppe Peano, mondfama matematikisto kiu lanĉis la artefaritan lingvon Latino sine Flexione. Je la fino de la 20a jarcento Fabrizio Pennacchietti instruis Interlingvistikon kaj Esperantologion, dum ekde la jaro 2011 estas Federico Gobbo kiu prenas la torĉon, per la kurso Lingvoplanado kaj Planlingvoj.