Irene Caligaris
| Irene Caligaris | |
|---|---|
| Persona informo | |
| Naskiĝo | 11-an de aprilo 1983 (41-jaraĝa) en Pinerolo |
| Lingvoj | itala • Esperanto |
| Ŝtataneco | Italio |
| Alma mater | Universitato de Torino |
| Okupo | |
| Okupo | scienca esploristo |
Irene CALIGARIS (naskiĝis la 11-an de aprilo 1983 en Pinerolo, do nun 41-jaraĝa), doktoro pri Literaturo kaj Lingvaj Sciencoj ĉe la universitato de Torino, okupiĝas pri instruado de la itala al eksterlandanoj kaj muzea edukado. Membro de IEF (Itala Esperanto-Federacio) kaj de UEA (Universala Esperanto-Asocio), ŝi studis Esperanton kiel memlernanto, poste akirinte la oficialajn diplomojn de IEF. Antaŭ kelkaj jaroj, studante la fenomenojn de disfalo de la eksa Jugoslavio, ŝi alproksimiĝis al la studo de la lingva demando kiel ilo por aserti identecojn.[1]
Kun la itallingva verko Una lingua per tutti, una lingua di nessun paese. Una ricerca sul campo sulle identità esperantiste ("Lingvo por ĉiuj, lingvo de neniu lando. Kampa esploro pri Esperantistaj identecoj", publikigita de la eldonejo Aracne en 2016, ISBN 978-88-548-8864-7) ŝi gajnis la Premion Giorgio Canuto de la universitato de Parma en 2015, por la plej bona disertaĵo pri Interlingvistiko kaj Esperantologio, kaj la Premion Ivo Lapenna de 2016, por la plej bona disertaĵo pri Esperantologio je internacia nivelo.[1]
En 2021, la eldonejo Edistudio publikigis ankaŭ esperantlingvan version de la libro, kun antaŭparolo de Federico Gobbo, je la titolo Unu lingvo por ĉiuj, unu lingvo de neniu lando,[2] ISBN 978-88-703-6092-9.[3]
Referencoj[redakti | redakti fonton]
Eksteraj ligiloj[redakti | redakti fonton]
- prelega prezento de la libro Una lingua.. en Torina Esperanto-Centro en junio 2016 (itale) dokumentita en Jutubo
- unua parto de kritika recenzo pri la libro Una lingua.. de la revuo Literatura Foiro en la retejo esperantio.net en 2017 (esperante)
- prezento de la itala libro en la eldonejo Aracne[rompita ligilo]
- iuj partoj de la libro por foliumi en la retejo bitoteko.it