Vojtíškov
| Vojtíškov | |
| germane Woitzdorf | |
| vilaĝo | |
 Supra parto de la vilaĝo
| |
| Oficiala nomo: Vojtíškov | |
| Ŝtato |  Ĉeĥio
|
|---|---|
| Regiono | Regiono Olomouc |
| Distrikto | Distrikto Šumperk |
| Administra municipo | Malá Morava |
| Historia regiono | Moravio |
| Montaro | Králický Sněžník, Hanuŝovica montetaro |
| Domoj | 63 2010 |
| Rivero | Moravo |
| Situo | Vojtíškov |
| - alteco | 690 m s. m. |
| - koordinatoj | 50° 06′ 12″ N 16° 52′ 32″ O / 50.10333 °N, 16.87556 °O (mapo) |
| Areo | 6,99 km² (699 ha) |
| Loĝantaro | 107 (2021) |
| Denseco | 15,31 loĝ./km² |
| Unua skribmencio | 1325 |
| Horzono | MET (UTC+1) |
| - somera tempo | MET (UTC+2) |
| Poŝtkodo | 788 33 |
  Situo enkadre de Ĉeĥio
| |
 Vikimedia Komunejo: Vojtíškov
| |
 Portalo pri Ĉeĥio
| |
Vojtíškov (germane Woitzdorf) estas vilaĝo en Ĉeĥio, parto de municipo Malá Morava en distrikto Šumperk. Proksimume unu kilometro okcidente de Vojtíškov estadis vilaĝo Valbeřice (germane Wallbergsdorf). En la jaro 2021 ĉi tie daŭre vivis 107 loĝantoj.
Geografia karakterizo[redakti | redakti fonton]
Katastra teritorio de Vojtíškov etendiĝas sur suda deklivo de masivo de Králický Sněžník en supermara alteco de 440 metroj en sudoriento apud kunfluejo de rojo Zelený kun Moravo al 886 m en nordoriento, proksimume duonkilometron sudokcidente de montopinto Sviní hora (1074 m s. m.). La sudan limon de la teritorio kreas fluo de rivero Moravo kaj trans ĝi Vojtíškov najbaras kun teritorio de Vlaské, okcidente Vojtíškov najbaras kun teritorio de Malá Morava, norde kun Sklené, nordoriente kun Vysoká kaj oriente kun Žleb.
La propra konstruita teritorio de Vojtíškov etendiĝas meze de ties katastra teritorio apud nordsude orientita loka ŝoseo (n-ro 31240), kiu sude de Vojtíškov alligas sin al ŝoseo n-ro III/312, en supermara alteco de 520 ĝis 730 m s. m. Sude de la teritorio Vojtíškov tuŝas fervojlinion n-ro 025 el Dolní Lipka ĝis Hanušovice; la plej proksimaj du haltejoj estas Podlesí kaj Vlaské.
Historio[redakti | redakti fonton]
La unua skribmencio pri Vojtíškov devenas el la jaro 1325 konekse kun ties donaco al monaĥejo Kamenec: kavaliro Jan Wustenhube tiam donacis al la monaĥejo kelke da vilaĝoj en la ĉirkaŭaĵo de Staré Město kaj inter ili estis ankaŭ du Vojtíškov-oj, el kiu la alia verŝajne estadis en loko de hodiaŭa vilaĝo Vysoká, antaŭe nomata Nová Ves. Dum husanaj militoj Vojtíškov eble dezertiĝis kaj renovigita ĝi estis nur en la 16-a jarcento. Ĝi apartenis al senjorujo Branná (germane Goldenstein, ĉeĥigite Koldštýn aŭ Kolštejn).
Sekve de Munkena interkonsento la teritorio de Vojtíškov estis aneksita de Nazia Germanio. La germana loĝantaro post la dua mondmilito estis ellandigita. Valbeřice, domaro de Vojtíškov jam ne estis post la forŝovo loĝigita kaj pereis, la sama sorto trafis domaron Hřebenky (germane Oberschar).
Loĝantaro[redakti | redakti fonton]
| Jaro | Loĝantoj |
|---|---|
| 1869 | 699 |
| 1880 | 659 |
| 1890 | 688 |
| 1900 | 657 |
| 1910 | 629 |
| 1921 | 578 |
| Jaro | Loĝantoj |
|---|---|
| 1930 | 536 |
| 1950 | 244 |
| 1961 | 169 |
| 1970 | 153 |
| 1980 | 126 |
| 1991 | 116 |
| Jaro | Loĝantoj |
|---|---|
| 2001 | 130 |
| 2011 | 115 |
| 2021 | 107 |
Galerio[redakti | redakti fonton]
-
Valo de rivero Malá Morava en Vojtíškov
| ||||