Waterbury (Konektikuto)
Waterbury estas grandurbo en Usono, en subŝtato Konektikuto, en Kantono New Haven. La urbego apaertenas al urbaro de Novjorko.
Bazaj informoj
- Koordinatoj: 41° 33′ N 73° 02′ U / 41.550 °N, 73.033 °U (mapo)Koordinatoj: 41° 33′ N 73° 02′ U / 41.550 °N, 73.033 °U (mapo)
- Areo: 75 km²
- Loĝantaro: 110.366 (en 2011)
- Supermara alteco: averaĝe 80 m (inter 70-250 m)
- Horzono: UTC-5h (en somero UTC-4h)
- Poŝtkodoj: 06701-06719
- Telefonkodo: 203
Geografio
Waterbury situas sur ebenaĵo en nordorienta parto de Usono, en meza parto de Konektikuto, en norda parto de la kantono. Hartford (Konektikuto) troviĝas 53, Novjorko 124 km.
Historio
La unua mencio okazis en 1673 en formo "Mattatock". En 1686 ĝi ricevis la nunan nomon Waterbury. Kresko estis malrapida dum la unuaj cent jaroj de Waterbury. La manko de plugtero senkuraĝigis novajn alvenintojn, krome la loĝantoj suferis pro la granda inundo de 1691 kaj la granda malsano de 1712. eEn la frua 19-a jarcento oni komencis produkti latunon. La nova industrio altiris multajn laboristojn el la mondo. Waterbury urbiĝis en 1853. Alia fama Waterbury-produkto estis la unu-dolara poŝhorloĝo.
Trafiko
El Waterbury aŭtovojoj kuras al Hartford, Novjorkio, Masaĉuseco, Bridgeport (Konektikuto), fervojoj kuras al Hartford kaj Bridgeport. La urbego havas flughavenon.
Klimato
En Waterbury la averaĝa temperaturo varias inter 3-16 °C. En januaro averaĝe estas -9 °C, en julio averaĝe estas 28 °C. Jare oni mezuras precipitaĵojn po 1361 mm. En ĉiuj monatoj oni mezuras precipitaĵojn, kiu kulminas en oktobro kaj malkulminas en februaro.
Vidindaĵoj
- preĝejo de Sankta Anna
- preĝejo de Sankta Jozefo de 1894
- preĝejo de Sankta Koro de 1922
- urbodomo
- muzeo
Ĝemelurboj
Fontoj
- Képes Világatlasz ISBN 963 8475 38 2
- Tiu ĉi artikolo kreiĝis helpe de WikiTrans el la angla Vikipedio
