Yosa Buson

El Vikipedio, la libera enciklopedio
Saltu al: navigado, serĉo
Pentraĵo de Yosa Buson, de 1771

YOSA Buson (与謝蕪村) (1716 —  1784) estas la dua grandmajstro de hajko apud Bashō. Post la morto de Bashō, lia skolo descendis en vulgarecon. Sed Buson laboris por revivigi la povon de hajko kaj renko, per revenigi la valorojn de Bashō.[1]

Buson rigardiĝas kiel unu el la plej grandaj majstroj de hajgao (kombinaĵo de pentraĵo kaj hajko), kaj liaj hajkoj ofte havas pentristan sentumon. Fakte, oni konsideris lin pli kiel pentristo ol kiel hajkisto, ĝis la laboro de Masaoka Shiki por revivigi la hajkon dum la Mejĵia epoko plialtigis lian reputacion kiel hajkisto.


Jen kelkaj hajkoj de Buson, tradukitaj de Miyamoto Masao, elprenite de la Hajka antologio:[2]


Kun ruĝ' petala
mumeaj floroj falas —
fekaĵ' ĉevala.


Lun' oriente,
kaj la sun' okcidente.
— kolzkamp' etende.


Printempo foras
hezite kaj hezite —
sakuroj floras.

Referencoj[redakti | redakti fonton]

  1. Toshiko Yokota, What Does It Mean to Read Haikai Linked Verse? A Study of the Susuki mitsu Sequence in Kono hotori ichiya shi-kasen, en Simply Haiku v5n1 2007
  2. Hajkista Klubo, Hajka Antologio, Kioto 1981, pp.49-56


Vidu Ankaŭ[redakti | redakti fonton]

Eksteraj ligiloj[redakti | redakti fonton]