Magacela
Magacela | |||
---|---|---|---|
![]() | |||
municipo en Hispanio ![]() | |||
Flago | Blazono | ||
Administrado | |||
Ŝtato | ![]() | ||
Regiono | ![]() | ||
Provinco | ![]() | ||
Komarko | La Serena | ||
Poŝtkodo | 06468 | ||
En TTT | Oficiala retejo [+] | ||
Politiko | |||
Urbestro | Ines Maria Escobar Moreno | ||
Demografio | |||
Loĝantaro | 489 (2023) [+] | ||
Loĝdenso | 6 loĝ./km² | ||
Geografio | |||
Geografia situo | 38° 54′ N, 5° 44′ U (mapo)38.8956303-5.7344418Koordinatoj: 38° 54′ N, 5° 44′ U (mapo) [+] | ||
Alto | 485 m [+] | ||
Areo | 75,8 km² (7 580 ha) [+] | ||
Horzono | UTC+01:00 [+] | ||
![]() | |||
| |||
| |||
Alia projekto | |||
![]() | |||
Magacela estas municipo kaj loĝloko de Hispanio. Ĝi apartenas al la aŭtonoma komunumo aŭ regiono Ekstremaduro, al ties pli suda provinco Badaĥozo (Badajoz) kaj al la komarko La Serena. Laŭ la stato de 2023 en la municipo vivis 489 loĝantoj sur areo de 75,8 kvadrataj kilometroj, kio rezultigas loĝdenson de 6 loĝantoj/km².
La loĝantoj nomiĝas Magaceleños.
Situo
[redakti | redakti fonton]![](http://upload.wikimedia.org/wikipedia/commons/thumb/e/ec/Magacela_kaj_Campanario.jpg/300px-Magacela_kaj_Campanario.jpg)
Magacela estas situa en la centra parto de Ekstremaduro, je altitudo de 485 m; je 125 km de Badajoz, provinca ĉefurbo. La surfaco de ties teritorio estas de 75,8 km². Ĝi estas en la norda parto de la distrikto de La Serena, tre proksime de Villanueva de la Serena, sed de tie oni vidas grandan parton de la distrikto Vegas Bajas. Spite ties malgranda loĝantaro, la vilaĝo estas dividita en du kvartaloj supre kaj malsupre de monto, je ties norda parto. En la suda parto kie frapas suno somere ne estas domoj.
Intereso
[redakti | redakti fonton]La vilaĝo estis deklarita kiel Bien de Interés Cultural, tio estas ""Havaĵo de kultura intereso" en 1994 pro ties nombraj ekzemploj de antikvaj konstruaĵoj.
Historio kaj vidindaĵoj
[redakti | redakti fonton]![](http://upload.wikimedia.org/wikipedia/commons/thumb/5/56/Magacela-kastelo.jpg/220px-Magacela-kastelo.jpg)
Estas spuroj de prahistoria okupo nome surrokaj pentraĵoj en trukavernetoj sude de la monto kaj restaĵoj de dolmeno ĉe la norda elirejo de la vilaĝo. Krome oni trovis en muro de fruktoĝardeno funebran steleon kiu reprezentas militiston kun siaj armiloj. Ĝi estis datita inter la jaroj 1100 a.n.e. kaj 800 a.n.e. Nun ĝi estas en la Nacia Arkeologia Muzeo de Hispanio en Madrido ekde la jaro 1983 kaj havas numeron 1983/135/3. En stratangulo ĉe la urbodomo estas kopio.
La kastelo (kaj dokumentaj mencioj) pruvas la islaman okupon kaj same la kristanan rekonkeron. Tamen post la kristanigo de la zono, restis en la vilaĝo islama majoritato, kiu kristaniĝis tre malrapide tra la jarcentoj de la 13a al la 16a. Dum la 17a jarcento okazis juraj konfliktoj inter la feŭdaj senjoroj ekleziaj kiuj loĝis en Villanueva de la Serena kaj la loĝantaro de la vilaĝo jam teorie kristanigita sed akuzita je esti moriskoj. Kvankam en la jura proceso venkis la akuzitoj, dum la forpelo de la moriskoj fare de la reĝo Filipo la 3-a la majoritato de la loĝantaro ekziliiĝis, same kiel tiuj de Hornachos. La vilaĝo preskaŭ senhomiĝis; la kastelo ruiniĝis kaj nur dum la 18a kaj 19aj jarcentoj Magacela ekhavis denove loĝantaron.
En la pinto de la monto estas kastelo (en ruinoj), preĝejo (en ruinoj) tre verŝajne konstruita sur iama moskeo kaj tombejo (jam nefunkcianta).
Dum la Hispana Intercivitana Milito Magacela restis en la teritorio fidela al la Respubliko dum du jaroj el mezo de 1936 ĝis mezo de 1938, dum la fronto kaj la "landlimo" estis je nur ĉirkaŭ 15 km post Don Benito kaj Medellín.
Bildaro
[redakti | redakti fonton]-
Leono de Magacela, islamdevena figuro (nun estas kvar en la urbodomo).
-
Islamdevena leono sur ornama kolono en la preĝejo de la kastelo (iama moskeo).
-
Iama pordo de la moskeo de Magacela, poste preĝejo de Sankta Anna, nune nefunkcianta.
-
Enirejo al la kastelo de Magacela.
-
La kastelo de Magacela.
-
Ĉefturo de la kastelo de Magacela.
-
Horloĝturo de Magacela kun sonorilmuro, iama prizono.
-
Sonorilmuro de preĝejeto en Magacela.
-
Supra kvartalo de Magacela super la nebulo; la malsupra kvartalo estas sub la nebulo.
-
Steleo de Magacela (MAN, en Madrido).
-
Detalo de popola arkitekturo.
-
Granita mezepoka lintelo de iama pordo, nun super fenestro.
-
Malnova tombejo de Magacela.
-
Magacela formas parton de la Mozaraba Jakoba Vojo.