Jurij Nikulin

Jurij Nikulin
Persona informo
Ю́рий Влади́мирович Нику́лин
Naskonomo	Юрий Владимирович Никулин
Naskiĝo	18-an de decembro 1921 (1921-12-18) en Demidov
Morto	21-an de aŭgusto 1997 (1997-08-21) (75-jaraĝa) en Moskvo
Mortis per	Kora malsufiĉo vd
Tombo	Novodeviĉje tombejo vd
Lingvoj	rusa vd
Ŝtataneco	Rusio (1991–) Sovetunio (–1991) vd
Partio	Komunista Partio de Sovetunio vd
Subskribo
Familio
Edz(in)o	Tatiana Nikulina vd
Infanoj	Maxim Nikulin (en) vd
Profesio
Okupo	klaŭno reĝisoro televida prezentisto humuristo militisto cirkisto filmaktoro kantisto vd
Aktiva dum	1958–1997 vd
Honorigoj Honorigoj  Ordeno de Lenin../... 27+ vd
vd	Fonto: Vikidatumoj

Jurij NIKULIN (ruse Юрий Владимирович Никулин) naskiĝis la 18-an de decembro 1921 en Demidov urbo, Smolenska provinco, Rusio mortis la 21-an de aŭgusto 1997 en Moskvo estis unu el plej famaj komikistoj de Rusio, kiu laboris en Moskva cirko en Cvetnoj bulvardo dum pli ol kvindek jaroj.

Biografio

Lia patro Vladimir Andrejeviĉ Nikulin (1898—1964) laboris en la urba drama teatro, kie ankaŭ laboris lia patrino Lidia Ivanovna Nikulina (1902—1979) kiel aktorino. Ekde 1925 la familio rezidis en Moskvo.

La 8-an de novembro 1939 lin oni rekrutigis al la Ruĝa armeo kiel kontraŭaviadila kanonisto. Li partoprenis en la Vintra milito inter Sovetunio kaj Finnlando (1939 - 1940) kaj en la Granda patriota milito (1941 - 1945) gardinte Leningradon. Li estis vundita kaj resaniĝis en hospitaloj. Maje de 1946 li estis malmobilizita el la Ruĝa Armeo kiel ĉefserĝento. Dum servado li estis dekoraciita per kelkaj gravaj medaloj.

Li fiaskis dum la enira ekzameno en VGIK, ĉar ĝia estraro trovis al li neniujn aktorajn kapablojn. Tiam lin altiris la cirka ĝenro kaj li ekis studi ĝin en Moskva cirko en Cvetnoj bulvardo ĉe fama rusa klaŭno Karandaŝ. Lia unua spektaklo sur la cirka areno kune kun lia partnero Boris Romanov okazis la 25-an de oktobro 1948. Poste aperis tre fama klaŭna dueto Jurij Nikulin kaj Miĥail Ŝujdin, kvankam iliaj karakteroj estis tute malsamaj.

En 1981 li iĝis la ĉefreĝisoro kaj ekde 1982 estro de la cirko ĝis sia morto. En 1989 finiĝis plena rekonstruo de la cirko kaj aperis nova konstruaĵo.

Jurij Nikulin mortis la 21-an de aŭgusto 1997 post malsukcesa kirurgia operacio pri lia malsana koro. Lin oni sepultis en la moskva Novodeviĉje tombejo, en la 5-a tereno.

Kino

Li debutis en kino en la filmo "Fraŭlino kun gitaro" aperinta en 1958. Poste li famiĝis kiel komikisto en multaj komedioj, precipe en Triopo Nikulin Morgunov Vicin, en kiuj liaj partneroj estis Eŭgenij Morgunov kaj Georgij Vicin. Tamen lia elstara talento malkovriĝis en kelkaj laŭdindaj roloj en dramaj filmoj. Entute li ludis en pli ol 50 filmoj.

TV spektakloj

Ekde 1993 Nikulin partoprenis TV spektaklon "La blanka papago" kaj eĉ estis kelkajn jarojn ĝia honora prezidanto. Liaj humoraĵoj eldiritaj tie tre plaĉis al spektantoj. Ankaŭ li estis ĉiam agrabla gasto en spektakloj "En nian havenon venis ŝipoj" kaj "Kampo de Sonĝoj" - analogo de "Wheel of Fortune (U.S. game show)".

Verkaro

Jurij Nikulin estis senkomparebla deklamanto de humoraĵoj, ĉar masko de lia kvazaŭ tragiaspekta vizaĝo ne ŝanĝis eĉ dum plej ridindaj momentoj. Tre plaĉis al aŭskultantoj liaj anekdotoj, kiujn li kompilis en kelkajn librojn.

• "Preskaŭ serioze", 1990, ISBN 978-5-226-00742-2;
• "Dek trolebusoj kun klaŭnoj", 1993, ISBN 5-7350-0004-7;
• "Anekdotoj de Nikulin", 1997, 1991 (2 eldonoj), ISBN 5-7345-0245-6;

Rekompencoj

• Heroo de Socialisma Laboro - 1990;
• Popola artisto de Sovetunio - 1973;
• Du Ordenoj de Lenin - 1980, 1990;
• Ordeno pro meritoj por la Patrujo de la 3-a grado -1996;
• Ordeno de Laborista Ruĝa Standardo - 1964;
• Kelkaj medaloj;

Familio

Ekde 1949 ĝismorte li estis edzo de Tatiana Nikolajevna Nikulina (Pokrovskaja) - (1929 - 2014), kiu ankaŭ laboris en la cirko. La geedzoj havis filon Maksim Nikulin, kiu post morto de la patro okupas ties postenon de la cirka estro.

• 
  Bronza skulptaĵo kun Jurij Nikulin apud la cirko
• 
  2.5 rubla PM el 2001 kun fragmento el la filmo "Diamanta brako"
• Triopo
  Triopo
• Aŭtografo
  Aŭtografo
• Ruĝarmeano en 1939-1940
  Ruĝarmeano en 1939-1940

Eksteraj ligiloj

• [1] "Mi nenien foriros" (video)
• [2] oficiala paĝo de Nikulin cirko ruse
• [3] Anekdotoj en spektaklo "Blanka Papago" (video)