Sebastiane

Sebastiane
filmo
Originala titolo	Sebastiane
Originala lingvo	latina lingvo
Kina aperdato	decembro 1976, 16 okt. 2008
Ĝenro	drama filmo, samseksemeca filmo, historia fikcio
Reĝisoro(j)	Derek Jarman
Scenaro	Derek Jarman
Filmita en	Anglio
Loko de rakonto	Roma regno
Muziko de	Brian Eno
Rolantoj	Leonardo Treviglio • Lindsay Kemp • Barney James • Richard Warwick
IMDb
	v • d • r

Sebastiane estas latin-lingva brita historia filmo de 1976, reĝisorita de Derek Jarman kaj Paul Humfress kaj verkita de Jarman, Humfress kaj James Whaley. Ĝi rakontas la okazaĵojn de la vivo de Sankta Sebastiano, inklude lian ikonan martirecon per sagopafado. La filmo, kiu celas publikon pere de gejerotiko, estis polemika kaj pro tiu erotismo por samseksemuloj en la rilatoj inter soldatoj kaj prf la dialogo tute en Latino.

Enhavo

Sebastiano estas soldato de la persona gvardio de la imperiestro Diokleciano, kiu estas ekzilita pro defendo al seksperfortita junulo. Kvankam oni prezentas lin kiel prakristano (3-a jc), li fakte estas adoranto de Apolono kaj klopodas konvinki siajn kompanojn al tio kaj al pacismo. La komandanto, obseda je li, klopodas perforti lin kaj finifne ordonas lian ekzekuton, ĉar li malakceptis defendi per armiloj la interesojn de la Romia Imperio.

Geaktoroj kaj roluloj

Barney James kiel Severus
Neil Kennedy kiel Maximus
Leonardo Treviglio kiel Sebastian
Richard Warwick kiel Justin
Donald Dunham kiel Claudius
Daevid Finbar kiel Julian
Ken Hicks kiel Adrian
Lindsay Kemp kiel Dancisto
Steffano Massari kiel Marius
Janusz Romanov kiel Antonio
Gerald Incandela kiel Leopardulo
Robert Medley kiel imperiestro Diokleciano

Inter la gastoj de la imperiestro estas elstaruloj kiel Peter Hinwood, Nell Campbell, kaj Patricia Quinn (ĉiuj el Rocky Horror Picture Show), Jordan, Philip Sayer, Charlotte Barnes, Nicholas de Jongh, Duggie Fields, Christopher Hobbs, Andrew Logan, kaj Johnny Rozsa.