Evaristo Baschenis
| Evaristo Baschenis | |
|---|---|
| |
| Persona informo | |
| Naskiĝo | 7-an de decembro 1617 en Bergamo |
| Morto | 16-an de marto 1677 (59-jaraĝa) en Bergamo |
| Lingvoj | itala |
| Okupo | |
| Okupo | pentristo • portretisto |
| Verkoj | Still Life of Musical Instruments |
_-_WGA1401.jpg)
Evaristo BASCHENIS (7a de Decembro 1617 – 16a de Marto 1677) estis itala baroka pentristo de la 17-a jarcento, aktiva ĉefe ĉirkaŭ sia naskurbo Bergamo.
Biografio[redakti | redakti fonton]
Li naskiĝis en familio de artistoj. Li estas plej bone konata pro siaj aĵpentraĵoj, en kiuj oftas muzikinstrumentoj. Tio eble klarigas lian amikecon kun familio de elstaraj violonfabrikantoj el Cremona. Aĵpentraĵoj estis maloftaj kiel temo inter italaj pentristoj antaŭ la 17-a jarcento. Baschenis, kun la pli ekstravaganca pentristo de la 16a jarcento nome la milana Arcimboldo, reprezentas provincan produktadon per propraj tendencoj kiuj ŝajne alvokas al precizigo de malgrandaj formoj pli ol al grandiozaj temoj de religiaj aŭ mitologiaj okazaĵoj. Por Arcimboldo, la artefarado estas ĉio; por Baschenis, la aĵoj, ekzemple manfaritaj muzikinstrumentoj, havas celon kaj belon eĉ en sia silenta geometrio. Unu fonto por lia fotografiema stilo de aĵpentraĵoj povus esti la fruaj pentraĵoj de Caravaggio de persikoj, aŭ alternative, nederlandaj pentraĵoj. La plej fidinda imitanto de lia stilo ests pli juna samtempulo el Bergamo, nome Bartolomeo Bettera. Baschenis estis samtempulo de la bergama portretisto Carlo Ceresa, kaj ŝajne faris influon sur la artisto de Modeno nome Cristoforo Munari.
Galerio[redakti | redakti fonton]
-
Muzikinstrumentoj surtable, Reĝaj muzeoj por Belaj Artoj de Belgio -
Aĵpentraĵo kun muzikinstrumentoj, oleo surtola, Pinacoteca di Brera, Milano -
Studo de Aĵpentraĵo kun muzikinstrumentoj, oleo surtola, Wallraf-Richartz Museum, Kolonjo. -
Aĵpentraĵo de muzikinstrumentoj (ĉirkaŭ 1670) oleo surtola, Accademia Carrara, Bergamo -
Aĵpentraĵo kun muzikinstrumentoj, Galleria dell'Accademia -
Knabo kun pankesto (ĉirkaŭ 1655–1665)
_-_Strumenti_musicali_(1670_circa)_-_Accademia_di_Carrara_-_Bergamo.jpg)
Fontoj[redakti | redakti fonton]
- Wittkower, Rudolf. (1993) Art and Architecture Italy, 1600-1750. Penguin Books, Pelican History of Art, p. 350–351.
- Retejo de biografioj Gallery Art
Eksteraj ligiloj[redakti | redakti fonton]
- A Caravaggio Rediscovered, The Lute Player, an exhibition catalog from The Metropolitan Museum of Art (fully available online as PDF), which contains material on Baschenis (see cat. no. 17)
- Painters of reality: the legacy of Leonardo and Caravaggio in Lombardy, an exhibition catalog from The Metropolitan Museum of Art (fully available online as PDF), which contains material on Baschenis (see cat. nos. 101-102)