Ireen Sheer

Ireen Sheer
Persona informo
Naskiĝo	25-an de februaro 1949 (75-jaraĝa); en Romford, ekde 1965 parto de la urbodistrikto Havering de Granda Londono
Lingvoj	germana • angla • franca
Ŝtataneco	Germanio (1971–); Unuiĝinta Reĝlando (Britio) (1949–1971)
Alma mater	lernejo Billericay
Subskribo
Okupo
Okupo	kantisto
TTT
Retejo	http://ireensheer.de
	v • d • r

Ireen Sheer - jen artista nomo, naskonome Ireen Wooldridge - estas brita-germana kantistino. Ŝi naskiĝis la 25-an de februaro 1949(nun 1949-02-25) en Romford, ekde 1965 parto de la urbodistrikto Havering de Granda Londono, do nun estas 75-jaraĝa. Ireen Sheer estas filino de angla patro (m. en 2017) kaj germana patrino (m. en 2009). Ŝiaj gepatroj renkontiĝis kiam ŝia patro estis postenigita kiel soldato en Germanio; la filino kreskis grandparte en Anglio, sed en la familio denaske parolis la germanan, do kreskis ekvilibre dulingve. Ŝi ekkonatiĝis 1961, en aĝo de 12 jaroj, venkinte en talenta kantista konkurso. En la 1960-aj jaroj ŝi kontribuis en diversaj popmuzikaj grupooj, ekde 1970 komencis sian karieron kiel soloa kantistino unue anglalingve, ekde 1973 ankaŭ germanlingve. Interalie ŝi reprezentis Luksemburgion en la Eŭrovido-Kantokonkurso 1974 (anglalingve), Germanion en la Eŭrovido-Kantokonkurso 1978 (germanlingve) kaj denove, ĉifoje kun iuj kolegoj, Luksemburgion en la Eŭrovido-Kantokonkurso 1985 (trilingve france, germane kaj angle). Ŝia diskreta brita akcento kiam ŝi kantas germane aŭ france, aldonas specifan rekoneblan individuecon al ŝia kantado.