Oskar Lafontaine

Dosiero:Oskar Lafontaine.jpg

Oskar Lafontaine (2005)

Oskar LAFONTAINE [ˌɔskaʁ ˈlafɔntɛːn] (* la 16-an de septembro 1943 en Saarlouis) estas germana politikisto. Inter la jaroj 1985 kaj 1998 li estis ministroprezidanto de la federacia lando Sarlando. Inter la jaroj 1995 kaj 1999 krome li oficis kiel prezidanto de la germania socialdemokratia partio SPD kaj ties kandidato por federacia kanceliero dum la parlamenta baloto de 1990. Post la parlamenta baloto de 1998 li iĝis nacia ministro pri financoj. Dum marto 1999 Oskar Lafontaine demisiis de ĉiuj politikaj funkcioj kaj de tiam estis akra kritikanto de la politiko de la registara koalicio inter socialdemokratoj kaj verduloj de la federacia kanceliero Gerhard Schröder.

Dum 2005 li malmembriĝis el la partio SPD kaj aniĝis en la nove fondita partio "Arbeit und soziale Gerechtigkeit – Die Wahlalternative" (WASG, "laboro kaj socia justeco - la balota alternativo"). Pro lia iniciativo tiu partio por la parlamenta baloto de 2005 fondis balotan aliancon kun la partio "Linkspartei.PDS" (origine "Partei des Demokratischen Sozialismus", do "partio de demokratia socialismo", la rekta heredanto de la antaŭa ŝtata socialisma partio "SED" de GDR, kaj post la baloto kune kun Gregor Gysi iĝis prezidanto de la parlamenta frakcio de maldekstruloj. Ekde la 16-a de junio 2007 li estas kune kun Lothar Bisky prezidanto de la nova partio Die Linke, kiu ekestis pro la unuiĝo de la du maldekstraj partioj.

Retaj ligiloj

• Informoj pri Oskar Lafontaine en katalogo de la Germana Nacia Biblioteko (germane)

greke personaj retaj paĝoj kadre la paĝaro de lia parlamenta frakcio greke biografio kadre de la "Germana Domo de Historio", politika muzeo en Bonno (vidalvide al la eksa bonna "Germana Esperanto-Centro" de 1988 ĝis 1994)