Luksemburga Ĝardeno

El Vikipedio, la libera enciklopedio
(Alidirektita el Ĝardeno de Luksemburgio)
Jump to navigation Jump to search
La Senato vidata el la Luksemburga Ĝardeno.

La Luksemburga Ĝardeno, (franclingve Jardin du Luxembourg, konata malpli formale kiel Luco), estas granda publika parko de Parizo, situanta en la 6-a distrikto de la franca ĉefurbo. Ĝi etendiĝas sur 224 500 m² kaj estas do la plej vasta parko de Parizo. Luco estas la ĝardeno de la franca senato, kiu mem situas en la Luksemburga Palaco.

Historio[redakti | redakti fonton]

La palacon kaj la ĝardenon kreis la arkitekto Salomon de Brosse por Maria de Mediĉo, de 1615 ĝis 1627.

Édouard René de Laboulaye estis franca juristo, poeto, aŭtoro kaj kontraŭ-sklaveca aktivulo. Li estas memorata kiel la intelekta kreinto de la Statuo de Libereco en Novjorko, ĉar en 1865 li proponis la ideon de tia monumento pagita de civitanoj de Francio, kaj de la malpli konata originalo en la Luksemburga Ĝardeno.

Priskribo[redakti | redakti fonton]

La reĝinoj de Francio kaj famaj virinoj estas serio de dudek skulptaĵoj starantaj subĉiele ekde la mezo de la 19-a jarcento en la Luksemburga Ĝardeno. Tiu serio konsistas el dudek skulptaĵoj starantaj sur la promenejo super la centra florbedo kaj la granda baseno, antaŭ la Luksemburga Palaco. Kvankam la statuojn faris malsamaj skulptistoj, ĉiu estas sammodelaj: staranta portreto de elstara virino en la historio de Francio, el blanka marmoro. Ĉiu statuo altas inter 2,30 m kaj 3,80 m kaj staras sur ŝtona piedestalo, kun en medaliono la nomo, la titolo kaj la naskiĝdato kaj mortodato de la persono.

Vidu ankaŭ[redakti | redakti fonton]

Eksteraj ligiloj[redakti | redakti fonton]