En Nordhorn ekzistas Zamenhofstrato, kun samnoma bushaltejo, kaj en la strato situas unu el la urbaj mezlernejoj, tiel ke la strata nomo konatas inter la urbaj lernejanoj. Plurajn el la lernantoj de tiu mezlernejo konsilis la esperantista kuracisto Thomas Pusch, kiam li inter 2010 kaj 2016 havis psikoterapian praktikejon en la najbara urbo Lingen - li kompreneble ĉiam aparte ĝojis kiam li povis skribi atestilon al la lerneja sekretariejo kun adreso Zamenhofstrato.
Inter la partneraj urboj de Nordhorn estas la urbo Malbork, germane Marienburg, en la regiono Pomerio de norda Pollando. La urbestro Meinhard Hüsemann de Nordhorn kun delegacio en 2002 kune kun la vicurbestrino de Malborko, d-rino Danuta Stanek Gutowska, en la esperantista "Parko de la Mondo" en Malborko inaŭguris Esperanto-memorŝtonon "ARBO DE PARTNERECO" kaj tie apude de la ŝtono plantis aceron.
parto de la urbocentro, vidata de la monto Povelberg
parto de la urbocentro, vidata de la monto Povelberg
la katolika kirko de Sankta Aŭgusteno
la historia monaĥejo Frenswegen
eksa grenmuelejo en urbocentra parko
la luterana kirko merkatoplaca
Coevorden (Nederlando) ekde 1963
Montivilliers (Francio) ekde 1963
Reichenbach (Vogtland) (Germanio) ekde 1989
Malbork (germane Marienburg) (Pollando) ekde 1995
Rieti (Italio) ekde 2010
