Albert Mair

El Vikipedio, la libera enciklopedio
Saltu al: navigado, serĉo
Librokovrilo "Kompleta Traktado pri la Prepozicioj kaj la Akuzativo".

EdE-M

Albert MAIR, aŭstro-germano, fakinstruisto kaj instr. de itala kaj franca lingvoj, pensiulo de la urbo Vieno. Naskiĝis en la 28-a de majo 1864 en St. Michael/Eppan. Jam antaŭ 1900 li interesiĝis pri Volapuko, ĉagreniĝadis pri ĝia netaŭgeco, poste ofte aŭdis pri Esperanto, sed opiniis ĝin nur vantaĵo samkiel Volapük. En 1924 per R. M. Frey estis varbita por Esperanto. En februaro 1925 per lia iniciato kaj helpe de Feubler aranĝiĝis 15 kursoj en la metilernejo Mollardgasse, Vieno. En 1925 fondis la Esperanto Grupo "Verda Stelo". De 1925 gvidis multajn kursojn, faris paroladojn. De 1927 loĝas en Innsbruck, kie li estis prezidanto de la EK. En 1926 verkis kaj eldonis Kompleta Traktado pri la Prepozicioj kaj la Akuzativo, en 1927 aperigis la verketon Vienaj Legendoj, en 1933 tradukis al germana kaj eldonis la Esperanta-romanon Hura! de Baghy.


Eksteraj ligiloj[redakti | redakti fonton]