Aleksandro Brzostowski

El Vikipedio, la libera enciklopedio
Saltu al: navigado, serĉo
Brzostowski en 1906

Aleksandro B. BRZOSTOWSKI [bĵostovski] (naskiĝis en 1848 en Ostrog, mortis en 1920 en Varsovio) estis pola esperantisto, ĵurnalisto kaj bibliotekisto.

Kun Esperanto li konatiĝis en 1887 kaj konsideris sin unua esperantisto en Polujo. Li estis la unua propagandisto de Esperanto en sia lando. Li estis aktiva organizanto; en 1909 li aranĝis faman Esperanto-ekspozicion en Częstochowa kaj ankaŭ en Varsovio en 1910. Dum sia tuta vivo li celis fondi Esperanto-muzeon en Varsovio. Li eldonis diversajn foliojn kaj broŝurojn pri Esperanto; la nombro de liaj artikoloj pri Esperanto superis 200.