Alizée

Alizée
Alizée
	Alizée, 2013
Bazaj informoj
Naskonomo	Alizée Jacotey
Naskiĝo	21-an de aŭgusto 1984 (40-jaraĝa); en Ajaccio
Edz(in)o	Jérémy Chatelain • Grégoire Lyonnet
Deveno	Ajaccio, Korsiko
Ĝenroj	monda muziko; Popmuziko
Profesio	kantistino
Aktivaj jaroj	1999 - nuntempo
Retejo	Alizée
Persona informo
Naskonomo	Alizée Jacotey
Lingvoj	franca
Ŝtataneco	Francio
Subskribo
Familio
Edz(in)o	Grégoire Lyonnet (en) (2016–); Jérémy Chatelain (2003–2012)
Okupo
Okupo	diskografa artisto ; kantisto ; dancisto
TTT
Retejo	https://alizee-officiel.com/
	v • d • r

Alizée [alize] (naskiĝis la 21-an de aŭgusto 1984(nun 1984-08-21) en Ajaccio, Korsiko), estas franca kantistino.

Biografio

Junaĝo

Alizée (propranome: Alizée JACOTEY) naskiĝis la 21-an de aŭgusto 1984 ĉe marbordo, en la bonodoro de korsika makiso. Deveninta de Ajaccio, ŝi travivas feliĉan infanecon en t.n. insulo de beleco. Rapide, Alizée provas esprimi sian artisman inklinon.

Pasiigita de danco, ŝi ekzercas ĝin ekde la kvara jaro kaj familiariĝas kun la mondo de spektaklo kiu allogas ŝin tiom per teatraj kursoj kiom per kantado.

Je la 11-a jaro, ŝi ricevas la unuan premion de desegno-konkurso, ilustrante aviadilon sur formularo. Krom la eksterordinara vojaĝo al Maldivoj kiun ŝi gajnas, ŝia desegnaĵo estos reproduktita je plena grando sur ŝelo de aviadilo, kiu estos baptita "Alizée". Jen komenco de bela artista kariero.

Famiĝo

Julio 2000.

Alizée ankoraŭ ne estas 16-jara kiam aperas ŝia unua titolo, "Moi... Lolita". Renkontiĝo inter la juna korsikanino kaj la duopo Mylène Farmer-Laurent Boutonnat ŝanĝos ŝian vivon. Frukto de tiu renkontiĝo fariĝos "Gourmandises", ŝia unua albumo.

Du jarojn poste, pli ol 4 milionoj da diskoj estos venditaj tra la mondo. Alizée ankaŭ ricevos plurajn premiojn : NRJ awards, World Music Awards, M6 awards, kaj aliajn eŭropajn rekompencojn...

Ŝiaj titoloj alvenis unuarange en la muzik-ĉartoj italaj, hispanaj, germanaj, anglaj, polaj, nederlandaj, rusaj... ofte numero 1 de vendoj dum pluraj sinsekvaj semajnoj.

Ŝia dua albumo "Mes Courants Electriques...", kies unua unuopa eltiraĵo estas "J'en ai marre !", estis ankaŭ produktita kaj verkita de Mylène Farmer kaj Laurent Boutonnat. "Mes Courants Electriques..." eliris la 18-an de marto 2003 en Francio.

Ŝi edziniĝis kun kantisto Jérémy Chatelain la 6-an de novembro 2003 en Las Vegas. La 29-an de aprilo 2005 ŝi naskis ilian filinon nomitan Annie-Lee (aŭ Annily). Ili eksgeedziĝis en 2012.

La 18-an de junio 2016 Alizée edziniĝis kun Grégoire Lyonnet.^[1]