Babiladoj de Bonhumora Zamenhofano

Babiladoj de Bonhumora Zamenhofano
Aŭtoro	Jakobo Ŝapiro
Eldonjaro	1921
Urbo	Bjalistoko
Eldoninto	Hejme
Paĝoj	44

Unu el la ilustraĵoj de Gerŝomo Hepner en la libro

Babiladoj de Bonhumora Zamenhofano estas libro verkita originale en Esperanto de Jakobo Ŝapiro (Joŝo).

La libro estas eldonita en Bjalistoko en la rapidpresejo "Viktoria" ĉe la strato Lipowa 21 (la unua eldono - 44-paĝa de la jaro 1921). La ilustraĵojn preparis Gerŝomo Hepner.

Modernaj reeldonoj

En 2009, okaze de UK 2009 la libron reeldonis la eldonejo Hejme. En 2011 Bjalistoka Esperanto-Societo eldonis la libron dulingve - en Esperanto kun pollingva traduko. En 2012 la societo eldonis sonlibron, en kiu la polan tekston legis Joanna Filipowicz-Choroszucha, kaj la Esperantan - Przemysław Wierzbowski.

Enhavo

La aŭtoro skize karikaturis la tiutempan Esperanto-movadon. Ĉiuj rakontoj okazas en iu L...a Societo (fakte temas pri Lodzo, en kiu Ŝapiro loĝis dum kelkaj jaroj). Li primokas interalie: nekonon de la lingvo, reformemon kaj Idon, gloramon kaj emon regi en asocio ktp. La nomoj de la elpensitaj personoj spegulas iliajn personecojn (ekz. Reformemski, Oratoremulov kaj Kritikoviĉ).

Recenzoj

	„ Tiuj prozaĵoj estas ankaŭ spritaj karikaturaj skizetoj pri niaj samideanecaj moroj. La stilo estas lerta, tre korekta. ” — 1922, Georges Stroele, Esperanto, paĝo 28

Eksteraj ligiloj

• Enciklopedio de Esperanto/B en sia originala formo en la Interreto
• Katalogo de CDELI
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo "Erfgoedbib" en LibraryThing
• Katalogo de Kataluna Esperanto-Asocio
• Katalogo de Universitato de Amsterdamo