Bachenbülach

Bachenbülach
Blazono de Bachenbülach
Vilaĝa centro de Bachenbülach
komunumo en Svislando
Kantono	Zuriko
Distrikto	Bülach
Koordinatoj	47° 30′ 0″ N 8° 32′ 0″ O (mapo)
Nombro de loĝantoj	3719
Areo	4,25 km²
Alteco	430 m super marnivelo
Poŝtkodo	8184
Komunumkodo	0051
Mapo de Bachenbülach

Pri la komunumo

Bachenbülach estas komunumo en la distrikto Bülach, Kantono Zuriko, Svislando. Ĝi havis 3719 loĝantojn je la 31-a de decembro 2007.

Geografio

Bachenbülach situas en la Zurika Unterlando norde de la distriktĉefurbo Bülach kaj sude de Winkel kaj la Flughaveno Zuriko.

Ekonomio

Ek de la komenco de la 20-a jarcento eksetlis kelkaj malgrandaj entreprenoj en Bachenbülach kaj memkompreneble ankaŭ ekzistas agrikulturo. La plej granda parto de la loĝantaro tamen laboras nuntempe en la najbaraj urboj kaj por la flughaveno. Do Bachenbülach estas tipa antaŭurba loĝkomunumo.

Trafiko

Bachenbülach estas per poŝtaŭtobuslinio al la stacidomo de Bülach kaj al la Flughaveno Zuriko konektita kun la reto de la Zurika Trafik-Unio. Ekzistas aliro de Bachenbülach al la flughavena aŭtoŝoseo A51.

Historio

La plej malnovaj homaj spuroj sur la teritorio de la komunumo estas la tombmontetoj en la arbaro Höhragen. Ili datiĝas el la jaroj 800 ĝis 450 antaŭ Kristo.

La unua dokumenta mencia de Bachenbülach datiĝas el la jaro 1149 kiel Bahchenboulacho. Ek de la jaro 1412 ĝis la Helveta Revolucio en la jaro 1798 Bachenbülach estis parto de la voktdistrikto Bülach. En la jaro 1849 ĝi sendependiĝis de Bülach kiel memstara politika komunumo.

Eksteraj ligiloj

• Oficiala retejo de la komunumo Bachenbülach
• Bachenbülach en la Historia Leksikono de Svislando

Bildoj

• 
  Industrikvartalo
• 
  Restoracio Rose
• 
  Lernejo
• 
  Vilaĝa puto