Banĝulo

	Banĝulo; (Bathurst)
	angle: Banjul
	urbo
	Moskeo de reĝo Fahad en Banĝulo
	Oficiala nomo: Banjul
Lando	Gambio
Rivero	Gambio
Situo	Banĝulo
- koordinatoj	13° 27′ 11″ N 16° 34′ 39″ U / 13.45306 °N, 16.57750 °U (mapo)
Areo	93,0 km² (9 300 ha)
Loĝantaro	34 828 (2003)
- de metropolo	357 238
Denseco	374,49 loĝ./km²
- de metropolo	357 238 loĝ./km²
Fondo	1816
Horzono	GMT (UTC+3)
	Situo enkadre de Gambio Situo enkadre de Gambio
	Banĝulo vidita el satelito SPOT Banĝulo vidita el satelito SPOT
	Situo enkadre de Afriko Situo enkadre de Afriko
	Vikimedia Komunejo: Banjul

Koordinatoj: 13° 27′ 11″ N 16° 34′ 39″ U / 13.45306 °N, 16.57750 °U (mapo)

Banĝulo (angle Banjul, mandinke Banjul^[1], iam Bathurst) estas ĉefurbo de Gambio kun 34.828 loĝantoj (stato 2003). Ĝi estas la tria plej granda urbo de Gambio post Serekunda kaj Brikama. Banĝulo estas ankaŭ propra administra distrikto.

Situo

Banĝulo situas ĉe la faŭko de rivero Gambio sur la bordo de Atlantiko.

Historio

Banĝulo fondiĝis en 1816 kiel komerca kaj armea loko, kiam la Britio provis la sklavkomercon reguligi.

Ĝi nomiĝis ĝis 1973 Bathurst (post Henry Bathurst, sekretario de brita kolonia buroo).

La Afrika Komisio pri Homaj kaj Popolaj Rajtoj, formiĝis en 1987 kaj nune havas sidejon en Banĝulo, Gambio. Tio utils ankaŭ por la Afrika Ĉarto pri Homaj kaj Popolaj Rajtoj (konata ankaŭ kiel Ĉarto de Banĝulo).

Ekonomio

La marhaveno de Banĝulo [1] Arkivigite je 2007-02-07 per la retarkivo Wayback Machine havas gravan rolon por Gambio, plej ofte oni eksportas tra la urbo arakidon kaj nafton kaj naftaĵojn.

Iomete ekstere de Banĝulo troviĝas la Banĝula Internacia Flughaveno: la flugkampo estis elektita far NASA en 1987 kiel transatlantika neces-alteriĝejo por Space Shuttle-oj kaj en la postaj jaroj por tio antaŭpreparita. La nova flugkampo longas 3600 m.