Bertha Benz

El Vikipedio, la libera enciklopedio
Salti al navigilo Salti al serĉilo
Bertha Benz
Berthabenzportrait.jpg
Persona informo
Naskiĝo 3-an de majo 1849 (1849-05-03)
en Pforzheim
Morto 5-an de majo 1944 (1944-05-05) (95-jara)
en Ladenburgo
Lingvoj germana lingvo
Ŝtataneco Germanio
Familio
Edz(in)o Karl Benz
Infano Richard Benz
Profesio
Profesio entreprenisto • aŭtosportisto
Information icon.svg
vdr
Benz Patent-Motorwagen Nr. 3 (1888)

Bertha BENZ [BERta benc], origine: Cäcilie Bertha RINGER (naskiĝis la 3-an de majo, 1849, mortis la 5-an de majo, 1944) estis germana pionirino de la aŭtomobilindustrio kaj la unua aŭtomobilisto en la mondo.

Naskiĝinte en Pforzheim, ŝi en la jaro 1872 edziniĝis al la inĝeniero Karl Benz. Ŝi esence kontribuis al lia sukceso kiel aŭtomobilkonstruisto, ne nur per morala, sed ankaŭ per financa subteno. Antaŭ la geedziĝo Karl Benz havis gravajn ŝuldojn, sed per la doto, kiun ŝi petis anticipe de sia familio, ŝi savis la entreprenon de sia fianĉo.

Kiam la tri-rada motorĉaro inventita de Karl Benz ne rikoltis ĝeneralan agnoskon, ŝi la 5-an de aŭgusto, 1888 veturis - sen informi sian edzon - kun siaj du filoj 106 kilometrojn de Mannheim al Pforzheim. Per tio ŝi montris al la publiko, ke la primokata "ĉaro sen ĉevaloj" funkcias eĉ por pli longaj distancoj - kaj tio vere kontribuis al la progreso de la aŭtomobilindustrio.

Bertha Benz mortis en la aĝo de 95 jaroj en Ladenburg apud Mannheim.

Vidu ankaŭ[redakti | redakti fonton]

Eksteraj ligiloj[redakti | redakti fonton]