Bobi Wine
| Bobi Wine | |
|---|---|
| |
| Persona informo | |
| Naskiĝo | 12-an de februaro 1982 (42-jaraĝa) en Nkozi Hospital |
| Lingvoj | angla • ganda |
| Loĝloko | Wakiso District |
| Ŝtataneco | Ugando |
| Alma mater | Universitato Makerere • International University of East Africa • Kitante Hill Secondary School |
| Familio | |
| Edz(in)o | Barbie Itungo Kyagulanyi |
| Okupo | |
| Okupo | politikisto • muzikisto • entreprenisto • boksisto • filmaktoro |
| TTT | |
| Retejo | http://bobiwine.com/ |
Robert Kyaguanyi Ssentamu, artista nomo Bobi Wine (naskiĝis la 12-an de februaro 1982 en Nkozi) estas uganda politikisto, aktivulo kaj kantisto. Sub la artista nomo Bobi Wine li kreas muzikon en la stilo afrobeat[1].
Biografio[redakti | redakti fonton]
Kyagulanyi kreskis en Kamwookya, kvartalaĉo ekster Kampalo[2].
Muziko[redakti | redakti fonton]
Dum la fruaj 2000-aj jaroj, li iĝis konata muzikisto[2].
Politiko[redakti | redakti fonton]
Kyagulanyi estas membro de la parlamento de Ugando ekde 2017[3] kaj li estas la plej fama kritikisto de prezidento Yoweri Museveni, kiu funkciis kiel prezidento ekde la 1980-aj jaroj. Pro tio lia muziko estas malpermesata en Ugando kaj li ne rajtas doni iujn ajn koncertojn[1]. Li gvidas la rezistan movadon People Power, Our Power[4]. Kyagulanyi estis arestita plurajn fojojn kaj submetita al torturo kaj atenco. Li ankaŭ estis juĝita plurfoje, inkluzive de akuzoj de ŝtatperfido kaj "ĝeni kaj ridindigi" la prezidenton.
En novembro 2020, kiam Kyagulanyi formale registriĝis por partopreni la prezidentan baloton de januaro 2021, li baldaŭ poste estis arestita fare de la polico. Dum la balotkampanjo pli ol 40 el liaj subtenantoj estis mortigitaj en konfliktoj kun la militistaro kaj polico[2].
Ĉiufoje kiam Kyagulanyi estis arestita, grandaj manifestacioj eksplodis en la stratoj kun ugandanoj dezirantaj montri sian subtenon al li. Komence de januaro 2021, Kyagulanyi raportis la regadon de Museveni al la Internacia Kortumo en Hago. Sekve, uganda polico eltiris Kyagulanyis el sia aŭto kaj larmigas lin en la vizaĝo dum reta gazetara informkunveno kun The Guardian[5].
Persone[redakti | redakti fonton]
Li edziĝis kun Barbara "Barbie" Itungo kaj kune ili havas kvar infanojn[2]
Referencoj[redakti | redakti fonton]
- ↑ 1,0 1,1 (sv) Ugandiske oppositionspolitikern och afrobeatstjärnan Bobi Wine misshandlad, SVT Nyheter, la 6-an de novembro 2020.
- ↑ 2,0 2,1 2,2 2,3 (sv) Generationernas kamp när Uganda väljer president, DN.se, la 13-an de januaro 2021.
- ↑ (sv) Ugandiske artisten och oppositionspolitikern Bobi Wine gripen, SVT Nyheter, la 9-an de januaro 2020.
- ↑ (en) Urn, Can ‘People Power' change Uganda's political fortune?, Observer.ug, la 1-an de oktobro 2018.
- ↑ (sv) Sophie Tanha, Popstjärnan utmanar presidenten efter 35 år på makten, Aftonbladet, la 12-an de januaro 2020.
Eksteraj ligiloj[redakti | redakti fonton]
Oficiala retejo: https://bobiwine.com/