Wynigen
|
Por samtitola artikolo vidu la paĝon Wynigen (stacidomo). |
| Wynigen | |
|---|---|
 | |
| Blazono de Wynigen | |
 | |
| Vilaĝa puto en Wynigen | |
| komunumo en Svislando | |
| Kantono | Berno |
| Administra distrikto | Emme-Valo |
| Malnova distrikto ĝis 2009 | Burgdorf |
| Koordinatoj | 47° 6′ 25″ N 7° 40′ 5″ O / 47.10694 °N, 7.66806 °O (mapo)Koordinatoj: 47° 6′ 25″ N 7° 40′ 5″ O / 47.10694 °N, 7.66806 °O (mapo) |
| Nombro de loĝantoj | 2034 |
| Areo | 28,29 km² |
| Alteco | 530 m super marnivelo |
| Poŝtkodo | 3472 |
| Komunumkodo | 0424 |
 | |
| Mapo de Wynigen | |
Wynigen estis ĝis la 31-a de decembro 2009 komunumo de la distrikto Burgdorf kaj ek de la 1-a de januaro 2010 komunumo de la administra distrikto Emme-Valo en Kantono Berno, Svislando. Ĝi havis 2034 loĝantojn je la 31-a de decembro 2010.
Geografio[redakti | redakti fonton]
Wynigen situas en la Svisa Mezlando nordoriente de la urbo Burgdorf sur la orienta flanko de la flotebenaĵo de la rivero Emme, ĉe la limo inter Emme-Valo kaj Supra Argovio. Tra la komunumo fluas la rivero Oenz. La komunumo konsistas el la kvar vilaĝoj Wynigen, Brechershäusern, Bickigen kaj Schwanden.
La teritorio de la komunumo etendiĝas sur areo de 28,29 km², de kiuj 37,4% estas kovritaj de arbaro 56,6% servas por agrikulturo kaj 5,6% por setlado. [1]
Najbaraj komunumoj[redakti | redakti fonton]
La komunumo Wynigen limas en nordo al Seeberg, en orientnordoriento al Ochlenberg, en oriento al Oeschenbach, en sudoriento al Walterswil, en sudoriento al Affoltern en Emme-Valo, en sudsudoriento al la eksklavo Hirsegg de la komunumo Heimiswil, en sudo al Affoltern en Emme-Valo, en sudsudokcidento al Heimiswil, en sudokcidento al Burgdorf, en okcidentosudokcidento al Kirchberg, en okcidento al Rumendingen, kaj en nordokcidento al Alchenstorf.
Trafiko[redakti | redakti fonton]
Tra Wynigen pasas la kantona ĉefvojo n-ro 240 de Herzogenbuchsee al Burgdorf. La vojo n-ro 1426 kondukas de Wynigen al Walterswil, kaj la vojo nr-o 1427 de Wynigen al Koppigen. La komunumo disponas pri stacidomo ĉe la trajnlinio de Svisaj Federaciaj Fervojoj de Olten al Berno kaj estas haltejo de interurbaj trajnoj. De la stacidomo de Wynigen buslinioj kondukas al Herzeogenbuchsee kaj al Burgdorf.
Historio[redakti | redakti fonton]
La unua dokumenta mencio de Wynigen datiĝas el la jaro 1185, kiam Papo Lucio la 3-a konfirmis la havaĵon de la Monaĥejo Sankt-Johannsen apud Erlach. En tiu dokumento estas menciita vito apud Sarbach, kiun donacis iu Alberti de Winingen al la monaĥejo.[2] En la urbaro de la Grafoj de Kiburgo en la jaro 1261 Wynigen unuan fojon estas menciita kiel vilaĝo per la literumo Winigen. Post kiam la urbo Berno jam fine de la 14-a jarcento kaj en 1406 transprenis la kontrolon kaj regadon pri la regiono, la 3-an de marto 1497 ĝi formale aĉetis la Senjorujon Wynigen kontraŭ 1260 rejnaj guldenoj. En la jaro 1502 Wynigen estis atribuita al la Voktejo Burgdorf. En la jaro 1887 la ĝis tiam aŭtonoma komunumo Brechershäusern kaj en 1911 Bickigen-Schwanden estis integritaj al la teritorio de la komunumo Wynigen.
Notoj kaj referencoj[redakti | redakti fonton]
Vidu ankaŭ[redakti | redakti fonton]
Eksteraj ligiloj[redakti | redakti fonton]
- Vidu ankaŭ en la Vikimedia Komunejo la kategorion Wynigen – (Kolekto de bildoj kaj plurmediaj dosieroj)
Bildoj[redakti | redakti fonton]
-
Pastora domo de Wynigen -
Kapara bieno Oberbühl
| ||||||
