Certara

El Vikipedio, la libera enciklopedio
Saltu al: navigado, serĉo
Certara
Blazono de Certara
Blazono de Certara
Kantono Tiĉino
Distrikto Lugano
Komunumaro Sonvico
Koordinatoj  46°5′6″N 9°3′32″O  /  46.085°N, 9.05889°O / 46.085; 9.05889 (Certara)Koordinatoj: 46°5′6″N 9°3′32″O  /  46.085°N, 9.05889°O / 46.085; 9.05889 (Certara)
Nombro de enloĝantoj 60
Areo 2,73 km²
Alteco 1002 m super marnivelo
Poŝtkodo 6959
Komunumkodo 5173
Mapo de Certara
Mapo de Certara

Certara estas komunumo de la Komunumaro Sonvico kaj la Distrikto Lugano en Kantono Tiĉino, Svislando. Ĝi havis 60 loĝantojn je la 31-a de decembro 2011.

Geografio[redakti | redakti fonton]

Certara situas en nordoriento de la Valo de Colla, proksimume 12 kilometrojn nordnordoriente de la distriktĉefurbo Lugano. La komunumo konsistas el la vilaĝeto Certara kaj kelkaj alpopaŝtejoj.[1]

La teritorio de la komunumo etendiĝas sur areo de 2,73 km², de kiuj 80,2% estas kovritaj de arbaro, 12,8% servas por agrikulturo kaj 2,6% por setlado. [2]

Najbaraj komunumoj[redakti | redakti fonton]

La komunumo Certara limas en nordo al Bogno, en oriento al Val Rezzo (CO, Italio), en sudo al Cimadera, kaj en okcidento al Valcolla.

Trafiko[redakti | redakti fonton]

La komunumo Certara situas komplete flanke de la gravaj trafikvojoj. La komunumo atingeblas nur pere de kurboriĉa flanka sakvojo, kiu suden deflankiĝas de la vojo de Maglio di Colla al Bogno.

Historio[redakti | redakti fonton]

La unua dokumenta mencio de Certara datiĝas el la jaro 1264 kiel Certara. La vilaĝo Certara formiĝis en la 13-a jarcento supozeble el alpopaŝtejo de la Bieno Sonvico. Ĝis 1899 la vilaĝo dependis de la paroĥo Colla, tiam ĝi sendependiĝis.[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Antonio Gili: Certara en Historia Leksikono de Svislando (2005-02-16)

Eksteraj ligiloj[redakti | redakti fonton]