Dick Clark

Dick Clark
Persona informo
Naskonomo	Richard Wagstaff Clark
Naskiĝo	30-an de novembro 1929 (1929-11-30) en Mount Vernon
Morto	18-an de aprilo 2012 (2012-04-18) (82-jaraĝa) en Providence Saint John's Health Center, Santa Monica
Mortis pro	Naturaj kialoj vd
Mortis per	Korinfarkto vd
Lingvoj	angla vd
Ŝtataneco	Usono vd
Alma mater	Mount Vernon High School (en) Sirakuza Universitato vd
Familio
Patrino	Julia Fuller Clark (en) vd
Infanoj	Duane Clark (en) vd
Profesio
Okupo	aktoro televida produktoro game show host (en) prezentisto radio-prezentisto filmproduktoro scenaristo entreprenisto televida personaĵo vd
Aktiva dum	1945–2012 vd
Verkado
Verkoj	American Bandstand ❦ Pyramid ❦ Dick Clark's New Year's Rockin' Eve vd
Honorigoj Honorigoj (2013)  Disney Legends (en) (1993)  Fam-Salono kaj Muzeo de Rokenrolo (1992)  Television Hall of Fame (en) (1990)  Grammy Trustees Award (en) (1990)  Radio Hall of Fame (en) (1979, 1983, 1985, 1986)  Daytime Emmy Award for Outstanding Game Show Host (en)  Peabody Awards (en)  stelo sur la Trotuaro de famo en Holivudo vd
Membrecoj Membrecoj Delta Kappa Epsilon (en) vd
vd	Fonto: Vikidatumoj

Richard Wagstaff "Dick" Clark (naskiĝis la 30-an de novembro, 1929 – mortis la 18-an de aprilo, 2012) estis radiofonia kaj televida stelulo en Usono, konata kiel la "gastigisto" de la plej longdaŭra usona televida varietea programo, American Bandstand, de 1957 ĝis 1987. Li ankaŭ dum multaj jaroj estris la ĉiujaran prezentadon de la novjorka novjaro al Usono kaj la mondo per sia Dick Clark's New Year's Rockin' Eve, kiu mondvaste disvastigis la festadon en Times Square.

Per American Bandstand, li ludis gravan rolon en la "legitimigado" de rokenrolo en Usono," ne nur popularigante ĝin al gejunuloj, sed ankaŭ al pli aĝaj generacioj. Multaj konataj muzikistoj unue konatiĝis per American Bandstand, interalie Ike kaj Tina Turner, Smokey Robinson kaj Miracles, Stevie Wonder, Talking Heads, kaj Simon kaj Garfunkel. Liaj programoj estis inter la plej fruaj, kie malsamrasuloj prezentadis programerojn sur la sama scenejo kaj la spektantaro kunsidis rase miksite. La kantisto Paul Anka asertas ke la programo de Clark respondecis pri la kreado de "junula kulturo", kaj pro lia juneca aspekto oni ofte nomis Clark "la plej maljuna dekkelkjarulo" en Usono, aŭ eĉ en la mondo.

Clark sukcese gvidis sian propran firmaon, Dick Clark Productions, kiel prezidanto kaj estro. Krome li entreprenis fondi restoracian ĉenon, "American Bandstand Diner," laŭŝablone de Hard Rock Cafe. Ekde 1973, li kreis kaj produktis la ĉiujaran premiprogramon American Music Awards, similan al Grammy Awards.

Clark suferis gravan apopleksioon malfrue en 2004. Kvankam tio daŭre difektis lian kapablon paroli, Clark revenis al sia programo New Year's Rockin' Eve je la 31-a de decembro, 2005/1-a de januaro, 2006. Post tio li aperis ĉe la Premioj Emmy la 27-an de aŭgusto, 2006, kaj ĉe ĉiu New Year's Rockin' Eve ĝis inkluzive de tiu de 2011/2012. Clark mortis la 18-an de aprilo, 2012, 82-jara, pro infarkto post medicina traktado. Post lia morto, ŝtatprezidanto Barack Obama diris, "Per American Bandstand li enkondukis jardekojn da spektantoj al la muziko de nia epoko."

Kreditoj

Televido

• ABC 2000 Today, raportisto ĉe Times Square

Eksteraj ligiloj

• Dick Clark Productions
• Dick Clark Papers at Syracuse University
• Dick Clark ĉe Interreta filma datumbazo (angle)
• Dick Clark's Rock, Roll and Remember newspaper comic strip series
• Dick Clark interviewed on the Pop Chronicles (recorded March 11, 1968)
• . A-D — University of North Texas Libraries. Library.unt.edu (July 24, 2008). Arkivita el la originalo je 2008-10-14. Alirita September 2, 2010 .