Dima Ŝevĉenko

El Vikipedio, la libera enciklopedio
Jump to navigation Jump to search
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.
Dima Ŝevĉenko
Dima Ŝevĉenko en 2017.jpg
Personaj informoj
Naskiĝo 1-an de junio 1985 (1985-06-01) (33-jara)
Ŝtataneco Rusio
Profesio esperantisto
Lingvoj Esperanto
Esperanto
Denaska esperantisto Jes
Familianoj
Edz(in)o Anna Striganova
Patro Aleksandr Ŝevĉenko
v  d  r
Information icon.svg

Dima ŜEVĈENKO (cirile Дима Шевченко, naskita en 1985, pasporte Dmitrij Ŝevĉenko, sed en Esperanto li preferas la pli koncizan variaĵon de la persona nomo} estas esperantisto kaj eldonisto de Rusio. Li estas filo de la esperantista paro Elena kaj Aleksandr Ŝevĉenko, kiuj en 1992 kun Dmitrij Perevalov en Moskvo fondis la esperantistan eldonejon "Impeto", kiu publikigas librojn en Esperanto kaj pri Esperanto en la rusa. Post la forpaso de la fondintoj Aleksandr en 2012 kaj Elena en 2015), Dima kun sia esperantista edzino Anna Striganova sukcese plugvidas la eldonejon. Per tiu okupo ili lernis multe pri tekstoredaktado kaj enpaĝigo, same kiel pri la interesoj kaj preferoj de la Esperanta libromerkato. Ambaŭ geedzoj aktivas en la moskva Esperanto-movado, kie ili organizis plurajn popularajn aranĝojn. Ili kunlaboras ankaŭ pri instruado de Esperanto en diversaj medioj. En aprilo 2017 la paro Dima Ŝevĉenko kaj Anna Striganova deklariĝis nova ĉefredaktista duopo de la revuo Esperanto - unuafoje en la historio de la revuo estas samtempe du ĉefredaktoroj.

Parttempe li laboras ĉe la prestiĝa Rusia Universitato de Amikeco inter la Popoloj en Moskvo, kie li studis ĵurnalismon ĝis nivelo de magistriĝo kaj poste preparis doktoran disertacion por defendo. Liaj diplomverkoj ĉiam rilatas al Esperanto kaj ĝia loko en la mondo de amaskomunikiloj. Interreto grave rolas en lia nuntempa laboro, ĉu en praktika laboro pri la retejo de la Filologia Fakultato, ĉu kiel instrutemo kaj esplorobjekto. Kvinjara laboro ĉe la rethotela kompanio “masterhost” donis al Dima multajn teknikajn konojn pri tiu kampo.

Eksteraj ligiloj[redakti | redakti fonton]