Eŭrilajmedoj

Kiel legi la taksonomionEŭrilajmedoj
	; Longvosta eŭrilajmo (Psarisomus dalhousiae) en Tajlando
Biologia klasado
Regno:	Animalia - animaloj;
Filumo:	Chordata - ĥorduloj;
Klaso:	Aves - birdoj;
Ordo:	Passeriformes - paseroformaj;
Familio:	Eurylaimidae - eŭrilajmedoj; Lesson, RP, 1831
Genroj
	Pseudocalyptomena Rothschild, LW, 1909; Corydon Lesson, RP, 1828; Psarisomus Swainson, WJ, 1837; Sarcophanops Gould, J, 1877; Eurylaimus Horsfield, T, 1821 - eŭrilajmo; Cymbirhynchus Vigors, NA, 1830; Serilophus Swainson, WJ, 1837;
Aliaj Vikimediaj projektoj
	Sistematiko en Vikispecioj
	Komunejo pri Eŭrilajmedoj
	v • d • r

La eŭrilajmedoj^[1] (latine Eurylaimidae) estas familio el la ordo de la paseroformaj birdoj. Ĝi enhavas 10 speciojn en 7 genroj. La tipa genro de tiu familio estas Eurylaimus, Esperantigita "eŭrilajmo", sed ĝeneralige ĉiuj eŭrilajmedoj estas nomataj "eŭrilajmo"^[1].

Taksonomio

Laŭ AviList^[2], jen ĉi-sube la listo de la akceptitaj taksonoj por tiu familio, kaj ties Esperantaj nomoj^[1]:

Passeriformes - paseroformaj
- Eurylaimidae - eŭrilajmedoj
  - Pseudocalyptomena Rothschild, LW, 1909
    - Pseudocalyptomena graueri Rothschild, LW, 1909 - blugorĝa eŭrilajmo
  - Corydon Lesson, RP, 1828
    - Corydon sumatranus (Raffles, TS, 1822) - malhela eŭrilajmo
  - Psarisomus Swainson, WJ, 1837
    - Psarisomus dalhousiae (Jameson, R, 1835) - longvosta eŭrilajmo
  - Sarcophanops Gould, J, 1877
    - Sarcophanops steerii (Sharpe, RB, 1876) - mindanaa eŭrilajmo
    - Sarcophanops samarensis Steere, JB, 1890 - bisaja eŭrilajmo
  - Eurylaimus Horsfield, T, 1821 - eŭrilajmo
    - Eurylaimus ochromalus Raffles, TS, 1822 - nigraflava eŭrilajmo
    - Eurylaimus javanicus Horsfield, T, 1821 - purpura eŭrilajmo
  - Cymbirhynchus Vigors, NA, 1830
    - Cymbirhynchus macrorhynchos (Gmelin, JF, 1788) - nigraruĝa eŭrilajmo
  - Serilophus Swainson, WJ, 1837
    - Serilophus rubropygius (Hodgson, BH, 1839) - grizbrova eŭrilajmo
    - Serilophus lunatus (Gould, J, 1834) - arĝentbrusta eŭrilajmo

Etimologio

La scienca nomo Eurylaimidae venas el la antikva greka εὐρύς (eurus) kiu signifas "larĝa" kaj λαιμός (laimos) = gorĝo^[3]. Efektive, tiuj birdoj havas "larĝan gorĝon" kun ekstra dekkvina kolvertebro kaj granda kapo neproporcia al la resto de la korpo. Pro tio la birdo ekz. germane estas nomata larĝfaringulo (Breitrachen) dum multaj aliaj lingvoj nomas ĝin larĝbekulo (ekz. svede Brednäbb, angle Broadbill, itale Beccolargo, pole szerokodziób, estone lainokk, ĉine 阔嘴鸟).

La antikva greka λαιμός estas dusilaba vorto (ne: λα-ι-μός, sed λαι-μός), do la ĝusta esperanta genra nomo estas ne Eŭ-ri-la-i-mo, sed Eŭrilajmo.

Disvastiĝo

Eŭrilajmoj loĝas en la praarbaroj kaj arbaraj regionoj en Afriko, Sudazio kaj Sudorientazio.

Aspekto

Ili estas 14 ĝis 28 centimetrojn altaj, jun larĝa kapo, forta kaj larĝa beko, mallongaj kruroj kaj vostoj. La vosto de la plej multaj specioj estas rondigita, escepte tiu de la longvosta eŭrilajmo (Psarisomus dalhousiae).

La seksoj de la plej multaj specioj estas distingeblaj laŭ la bunteco de la plumaro (seksa duformismo).

Eŭrilajmoj havas, kontraste al aliaj paseroformaj birdoj, 15 kolajn vertebrojn (kutime estas 14) kaj specialajn piedajn tendenojn.

Nutro kaj generado

Ilia nutraĵo konsistas el fruktoj, semoj, insektoj kaj aliaj senvertebruloj. Siajn piroformajn nestojn ili ofte pendigas super akvo al branĉoj de arboj.