Emmi Stox

El Vikipedio, la libera enciklopedio
Salti al navigilo Salti al serĉilo
Emmi Stox
Personaj informoj
Naskiĝo 21-an de julio 1905 (1905-07-21) (113-jara)
Ŝtataneco Germanio
Profesio esperantisto
Lingvoj Esperanto
v  d  r
Information icon.svg
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

Emmi Stox (naskiĝis la 21-an de julio 1905) estis germana esperantistino. Ŝi estis prezidanto de Esperanto-Ligo Berlin - ELB (1971-1977).[1] Jam dum jardekoj ŝi aktivis en la berlina Esperanto-movado, kiam ŝi en 1971 fariĝis la unua virino pinte de berlina Esperanto-organizaĵo[2].

Profesie ŝi estis oficistino ĉe Deutsche Bundespost (Germana Federacia Poŝto).

Emmi Stox eniris la estraron de ELB en 1969 kiel IEMW-komisiulo. Ŝi flegis la kontaktojn al la Internacia Esperanto-Muzeo en Vieno, kie hodiaŭ oni trovas foton de ŝi el 1953.[1].

Dum ŝia prezidanteco ELB transiris al novaj formoj de informado, instruado kaj de organiza agado kaj entute komencis moderniĝi. Hermann D. Tautorat (1944-1996) en 1970 eniris la estraron kiel komisiulo por informado kaj alparolis specifajn grupojn, ekz. studentoj, gvidis modernajn kursojn kaj instalis novan renkontiĝejon kun biblioteko.

Emmi Stox prelegis la 4-an de novembro 1975 en la monata ELB-kunveno pri la temo: “Pensoj de esperantistino okaze de la virina jaro”[3], kaj la 1-an de junio 1976 pri “Sepdekjara jubileo de tutlanda Esperanto-organizaĵo en Germanujo”[4]. Tio montras, kion ŝi trovis grave.

En jarĉefkunveno de ELB la 18-an de januaro 1977 Emmi Stox ne plu kandidatis. En la kunveno estis balotita Ina Tautorat nova prezidanto de ELB kaj Emmi Stox estis aprezita pro ŝia „senlaca agado“[5]. Emmi Stox daŭrigis sian agadon por ELB ankaŭ poste.

Fontoj[redakti | redakti fonton]

  1. Fritz Wollenberg (Red.): Esperanto. Lingvo kaj kulturo en Berlino kaj Brandenburgio. 111 jaroj, Jubilea LIbro 1903-2014, Mondial, Novjorko – Berlino 2017, p. 432
  2. Gratuloj al Emmi Stox, 75-jara, en: Berlina Informilo, julio-aŭgusto 1980, p. 2, eldonis Esperanto-Ligo Berlin (ELB)
  3. Berlina Informilo, novembro 1975, p 2, eldonis ELB
  4. Berlina Informilo, junio 1976, p. 2, eldonis ELB
  5. Berlina Informilo, februaro 1977, p.1,eldonis ELB