Fajenco el Delft

Pejzaĝo kun figuroj. ĉ. 1665. Amsterdamo, Rijksmuseum Amsterdamo.

Kato sur kaheloj en la Provinco-domo en Harlemo

Fajenco el Delft aŭ Delfta bluaĵo estas tipo de fajenco kun blua ornamaĵo sur blanka fono kiu estas laŭtradicie produktata en Delft Nederlando. Ĝi ekestis je la fino de la 16-a jarcento kiel malmultekosta alternativo por la blu-blanka ĉina porcelano. La fajenco el Delft en mallonga tempo fariĝis tre populara kaj travivis florperiodon dum la jaroj 1650-1750, kiam en Delft pli ol cent fajencofabrikoj aktivis. La industrio estis ĉirkaŭ 1800 forviŝita de pli malmultekosta argilaĵo ĉefe el Anglio (Staffordshire). Hodiaŭ ankoraŭ nur unu fabriko en Delft produktas ‘veran’ fajencon el Delft.