Saltu al enhavo

Farlete

El Vikipedio, la libera enciklopedio
Farlete
loĝloko
municipality of Aragon (en) Traduki Redakti la valoron en Wikidata vd

Blazono

Blazono
Administrado
Poŝtkodo 50163
En TTT Oficiala retejo [+]
Demografio
Loĝantaro 408  (2023) [+]
Loĝdenso 4 loĝ./km²
Geografio
Geografia situo 41° 41′ N, 0° 30′ U (mapo)41.6809631-0.50719140000001Koordinatoj: 41° 41′ N, 0° 30′ U (mapo) [+]
Alto 413 m [+]
Areo 104,111719 km² (1 041 1.1 719 ha) [+]
Horzono UTC+01:00 [+]
Farlete (Provinco Zaragozo)
Farlete (Provinco Zaragozo)
DEC
Situo de Farlete
Farlete (Hispanio)
Farlete (Hispanio)
DEC
Situo de Farlete

Map

Alia projekto
Vikimedia Komunejo Farlete [+]
vdr

Farlete [farLEte] estas municipo de Hispanio, en la okcidenta parto de la komarko Monegros (ĉefe de la Provinco Huesca) sed apartenanta al la orienta parto de la Provinco Zaragozo (regiono Aragono). Ĝi estas unu de ses zaragozaj municipoj, nome de nordo suden Leciñena, Perdiguera, Farlete, Monegrillo, La Almolda kaj Bujaraloz, kiuj post la nova komarkigo aprobita en 1996 estas parto de Monegros.

Geografio[redakti | redakti fonton]

Ĝia municipa teritorio estas en la okcidenta parto de la komarko Monegros, sude de tiuj de Perdiguera kaj Alcubierre, kaj okcidente de Monegrillo. Temas pri tre arida areo.

La loĝloko Farlete (413 msm) estas iom norde de la paga aŭtoŝoseo AP-2 kaj nacia ŝoseo N-2 kiu komunikas inter Candasnos oriente kaj Zaragoza nordokcidente. La regiona ŝoseo A-1104 ebligas la komunikadon kun Perdiguera (nordokcidente), Villamayor de Gállego kaj Zaragozo okcidente kaj Monegrillo kaj La Almolda (sudoriente).

Historio[redakti | redakti fonton]

La areo estis loĝata de araboj. En la 12-a jarcento ĝi estis konkerita de kristanoj por la Regno Aragono.

En la komenco de la Hispana Enlanda Milito Farlete estis celo de la anarkiisma Kolono Los Aguiluchos de la FAI en ĝia avanco el Barcelono al Zaragozo, kaj la liberecanoj okupis la lokon post batalo sur la ĉirkaŭa kamparo kun pafado de artilerio kaj de aviado. Tio aperis en la dokumenta filmo La Batalla de Farlete.

Multaj loĝlokoj de la areo perdis loĝantaron laŭlonge de la 20-a jarcento pro rura elmigrado, kaj same ĉe Farlete kie oni malaltiĝis el 623 loĝantoj en 1950 ĝis nunaj 376 loĝantoj.

Ekonomio[redakti | redakti fonton]

La loka ekonomio evoluis el la tradiciaj agrikulturo (fruktoĝardeno) kaj brutobredado al turismaj servoj (rura turismo).

Vidindaĵoj[redakti | redakti fonton]

Inter vidindaĵoj elstaras la baroka preĝejo de Sankta Johano Baptista de la 16-a jarcento, la Sanktejo de la Virgen de la Sabina de la 17-a jarcento, la turo La Torraza de la 14-a jarcento je ĉirkaŭ 6 km, grotoj de la Sierra de Alcubierre en la montoj San Caprasio (812 m) kaj Monte Oscuro (822 m), kaj aliaj naturaj lokoj.

Vidu ankaŭ[redakti | redakti fonton]

Referencoj[redakti | redakti fonton]

Bibliografio[redakti | redakti fonton]

  • Ubieto Arteta, Antonio (1981-1989). Historia de Aragón. 6 vol. Zaragoza: Anubar.

Eksteraj ligiloj[redakti | redakti fonton]