Galaksio de Seyfert

El Vikipedio, la libera enciklopedio
Saltu al: navigado, serĉo
Galaksio de la Cirkelo, galaksio de Seyfert. (dankon al : A. S. Wilson, P. L. Shopbell, C. Simpson, T. Storchi-Bergmann, F. K. B. Barbosa, M. J. Ward, WFPC2, Kosmoteleskopo Hubble kaj NASA por la foto)

La galaksioj de Seyfert estas spiralajmalregulaj galaksioj, kiuj entenas treege brilantan kernon, kies lumeco povas preterpasi tiun de la tutaĵo de la galaksio. Estas tipo de aktiva galaksio, nomata laŭ la usona astronomo Carl Keenan Seyfert kiu studis tiajn objetojn en la 1940-aj jaroj.

Ĉirkaŭ 10 % el la galaksioj estas galaksioj de Seyfert.

Karakteriziloj[redakti | redakti fonton]

La brila kerno de la galaksioj de Seyfert elmontras rapidajn variojn de lumeco. Por tio necesas, ke la elsenda regiono estu "malgranda" (malpli ol unu lumjaro): la lumeco de objekto ne povas ŝanĝi en malpli da tempo, ol la tempo necesa por ke lumo trairas ĝin.

La spektro de la brila kerno montras tre plilarĝigitajn spektrajn liniojn pro efiko de Doppler: tio implicas, ke la materio, kiu elsendas lumon, moviĝas kun rapideco de grandordo de 500 al 4000 km/s, oni opinias, ke tiu materio kirlas en disko de akrecio ĉirkaŭ nigra truo.

Tio estas konfirmita de la fakto, ke la intenseco de la mallarĝaj spektraj linioj ne ŝanĝiĝas kiam la lumeco varias: oni klarigas tion per tio ke la mallarĝaj linioj estas elsendataj de vastaj (relative senmovaj) regionoj, dum la larĝaj linioj estas tiuj de lumo elsendata de malgranda agitata regiono.

La galaksioj de Seyfert montras ankaŭ fortajn elsendojn de radioondoj, infraruĝaj, ultraviolaj kaj iksaj radiadoj

Eksteraj ligiloj[redakti | redakti fonton]