Gamo Velara
| Gamo Velara | |
| Stelo | |
| spektroskopa duopa stelo • stelo de Wolf-Rayet • varia stelo • astra radiofonto • centimetra radiofonto • infraruĝa fonto • astrofizika iksradia fonto • duobla stelo • astra fonto de proksim-infraruĝaj radioj • astra fonto de ultraviolaj radioj • emisilinia stelo • regiono HII | |
|---|---|
| Speco | Wolf-Rayet stelo, blua supergiganto |
| Aliaj nomoj | Regor, Suhail, Suhail Al Muhlif, γ Vel, HD 68237, HIP 39953, SAO 219504 |
| Situo | |
| Konstelacio | Velaro |
| Rekta ascensio Deklinacio - Epoko |
08h 09m 32,0s -47° 20′ 12,0″ J2000.0 |
| Distanco el sunsistemo | proks. 840 lumjaroj |
| Fizikaj ecoj | |
| Radiuso | 3,2/13 sunradiusoj |
| Maso | 10/30 sunmasoj |
| Lumeco | 100000/180000 sunlumecoj |
| Atmosferaj kaj surfacaj ecoj | |
| Surfaca temperaturo | 57000/30500 K |
| Observaj ecoj | |
| Spektroklaso | WCv+... |
| Absoluta magnitudo | -5,31 |
| Videbla magnitudo | 1,78 |
| Paralakso | 3,88 ± 0,53 mas |
| Moviĝo - Rekta ascensio - Deklinacio |
-5,93 mas/j 9,90 mas/j |
| Radia rapido | 35 km/s |
Gamo Velara (latine Gamma Velorum, mallonge γ Vel laŭ la nomaro de Bayer) estas kelkopa stelo kiu situas en la konstelacio Velaro. Ĝi estas la plej hela objekto en la konstelacio, malgraŭ tio, ke ĝi posedas la literon gamo (kaj ne alfo). Tio ŝuldiĝas al la fakto, ke la konstelacio Velaro estiĝis pro disiĝo de la iama konstelacio Argoŝipo; ties steloj retenis siajn tiamajn literojn. La steloj Alfo, Beto kaj Epsilono apartenas al la nuna konstelacio Kareno, la stelo Zeto apartenas al la Pobo, dum Gamo kaj Delto apartenas ĝuste al la Velaro.
Ĝi estas konata per la nomo Regor, omaĝe al Roger Chaffee, unu el la astronaŭtoj pereintaj dum la katastrofo de la kosmoŝipo Apollo 1. Ĝi ankaŭ posedas la arablingvan nomon Suhail aŭ Al Suhail al-Muhlif, kiun tamen oni konfuzige atribuas ankaŭ al Lambdo Velara (λ Vel).
| ||||||