Gary Johnson

El Vikipedio, la libera enciklopedio
Salti al navigilo Salti al serĉilo
Gary Johnson
Johnson Transparent.png
Persona informo
Naskonomo Gary Earl Johnson
Naskiĝo 1-an de januaro 1953 (1953-01-01) (66-jara)
en Minot
Lingvoj angla lingvo
Loĝloko Taos
Ŝtataneco Usono
Alma mater Universitato de Nov-Meksiko
Subskribo Gary Johnson
Familio
Patro Earl W. Johnson
Edz(in)o Dee Johnson
Profesio
Profesio politikistoentreprenisto
TTT
Retejo https://www.ouramericainitiative.com/
Information icon.svg
vdr

Gary Earl JOHNSON (naskiĝis la 1-an de januaro 1953 en Minot, Norda Dakoto, Usono) estas usona politikisto kaj komercisto.

Li servis kiel la 29-a ŝtatestro de Nov-Meksiko de 1995 ĝis 2003, kiel membro de la Respublikana Partio. En 2011 (de aprilo ĝis decembro) li estis kandidato por la Respublikana nomumo por la usona prezidenta balotado de 2012, sed post malsukceso enlasiĝi en la kandidatajn debatojn, en decembro li ĉesis kandidati respublikane kaj anoncis sin kiel kandidato por la nomumo de la Libertariana Partio. Tiun nomumon li sukcese gajnis[1], kaj en la novembra balotado li kaj la vicprezidenta kandidato James P. Gray ricevis entute 0,99% el la voĉoj donitaj, do ĉ. 1,27 milionojn. Tio estis la plej sukcesa rezulto por usona minora partio en 2012, kaj la plej sukcesa rezulto por la Libertariana Partio en la tuta historio. En 2014 li fariĝis la firmaestro de Cannabis Sativa Inc., firmao bazita en Nevado, kiu celas vendi kuracajn kanabaĵojn. La 4-an de januaro 2016, Johnson rezignis pri sia posteno ĉe Cannabis Sativa Inc., kaj la 6-an de januaro li anoncis sin kandidato por la Libertariana nomumo por prezidento de Usono en la balotado de 2016.[2]

Fontoj[redakti | redakti fonton]

Plejparte bazita sur la artikoloj en la anglalingva Vikipedio Gary Johnson kaj Gary Johnson presidential campaign, 2016

  1. Pratt, Timothy (5 majo 2012). "Libertarians nominate ex-Governor Gary Johnson for president". Reuters. angle
  2. https://ballotpedia.org/Gary_Johnson_presidential_campaign,_2016 "Gary Johnson presidential campaign, 2016" ĉe Ballotpedia.org angle