Saltu al enhavo

Gerd-Joachim Brinkmann

El Vikipedio, la libera enciklopedio
Gerd-Joachim Brinkmann
en septembro 1953
en septembro 1953
Persona informo
Naskiĝo 1932
Morto 1980 (per trafikakcidento, 48-jaraĝa)
en Westerland
Mortokialo Trafikakcidento Redakti la valoron en Wikidata
Lingvoj germanaEsperantofrancaangla
Ŝtataneco Germanio Redakti la valoron en Wikidata
Familio
Infano Nils Brinkmann Redakti la valoron en Wikidata
Okupo
Okupo esperantisto
luterana pastoro Redakti la valoron en Wikidata
vdr
Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.

Gerd-Joachim BRINKMANN (naskiĝis en 1932, mortis en 1980) estis germana luterana pastro kaj esperantisto, kiu eklernis Esperanton en lerneja kurso en Herford. En la 1950-aj jaroj li aktivis en la junulara Esperanto-movado. Li estis la tria prezidanto de Germana Esperanto-Junularo (GEJ) de 1953 ĝis 1954.

profesieca turisma poŝtkarto kun salutoj en Esperanto de la 'bela insulo' Sylt el 1975-1980, kiam tie esperantiste aktivis Gerd Brinkmann, supre maldekstre la orkestra "konko" de Westerland

Post teologiaj studoj li deĵoris kiel pastro en Lengerich, Vestfalio (1960–1973) kaj ekde 1973 en Westerland sur la nordgermana insulo Sylt, kie siatempe ekestis sufiĉe vigla Esperanto-grupo (i.a. okazis Germana Esperanto-Kongreso en Westerland en 1981). Li estis patro de kvar filoj, inter kiuj Nils esperantiĝis kaj transprenis diversajn taskojn en la estraroj de GEJ kaj GEA.

Gerd Brinkmann estis ankaŭ aktiva en Kristana Esperantista Ligo Internacia (KELI) kaj gvidis diservojn kaj geedziĝojn en Esperanto, interalie dum Universalaj Kongresoj (ekzemple en Portland, Usono en 1972).


La unuaj 3 prezidantoj de GEJ kune en septembro 1953: maldekstre Mi. Schmidt (1951-52) kaj F.-J. Scholz (1951-52) - tiam ankoraŭ klaris ke 20-jaruloj portas kravatojn