Gil Vicente
| Gil Vicente (1465-1536) | ||
|---|---|---|
 Portugala dramverkisto
| ||
| Persona informo | ||
| Gil Vicente | ||
| Naskiĝo | 1465 en Lisbono, Portugalio | |
| Morto | 1536 en Guimarães, Portugalio | |
| Religio | katolika eklezio vd | |
| Lingvoj | hispana • portugala vd | |
| Ŝtataneco | Reĝlando Portugalio  vd
| |
| Alma mater | Universitato de Salamanko vd
| |
| Familio | ||
| Infanoj | Paula Vicente (en)  vd
| |
| Profesio | ||
| Okupo | dramaturgo verkisto poeto aktoro vd
| |
| Verkado | ||
| Verkoj | Auto da Barca do Inferno vd | |
| vd | Fonto: Vikidatumoj | |
Gil Vicente (1465-1536) estis poeto kaj teatroverkisto naskiĝinta en Lisbono kun maturiĝo en la unua triono de la 16-a jarcento. Li verkis tiel majstre en la portugala kiel en la hispana lingvoj: oni konservas 44 teatro-verkojn el kiuj 15 en la portugala, 11 en la hispana kaj la ceteraj en ambaŭ lingvoj. Li kunlaboris en la verkado de la Ĝenerala Kanzonaro de García de Resende.
La poezio de Gil Vicente ricevis fortan influon de la tradicia kastilia liriko kaj de la antikvaj kanzonoj galega-portugalaj, kaj elstaras pro la simpleco, popularaj formoj kaj muzikemo de liaj esprimoj. Tiu stilo multe influos kelkajn jarcentojn poste en la tiama hispana poezio, speciale en la tiel nomata Generacio de 1927
Kiel teatroverkisto, li evoluis de la naivaj paŝtistaj esprimoformoj al tiuj pli kompleksaj de la socia satiro kaj al certa simbolisma teatro, kiel antaŭveninto al formuloj kaj temoj kiuj karakterizos tiun de Calderón de la Barca. Li fakte kreis la portugalan teatron, verkis pli ol 40 teatraĵojn, en hispana aŭ portugala, pro kio li estis grava verkisto por ambaŭ lingvoj kaj literaturoj. Li havigis popularan portugalan enhavon al la drama dialogo kreita de Juan del Enzina. Li verkis teatraĵojn rilatajn al la mezepoka religieco, tragikomediojn de historia temaro kaj komedioj, kiuj montras la renesancan vivoĝojon.
Gil Vicente ankaŭ montris sian talenton kiel muziko-verkisto, li komponis muzikaĵojn pri sakra stilo, en kiuj enkondukis popularaj melodioj kaj polifoniaj kantoj.