Goldmann

El Vikipedio, la libera enciklopedio
Salti al navigilo Salti al serĉilo
Goldmann

Frankfurta librofoiro 2012 eldonejo Goldmann b.JPG
eldoneja stando en la frankfurta librofoiro 2012
Fondita 1921 en Lepsiko
Sidejo Munkeno (ekde 1948)
TTT la eldonejo Goldmann en la nuna eldongrupa retejo randomhouse.de
Information icon.svg
vdr

La eldonejo Goldmann - germane Goldmann Verlag - estas germanlingva libroeldonejo. Ĝi fondiĝis en 1921 en Lepsiko kaj ekde la fino de la 1940-aj jaroj havas sian centran sidejon en Munkeno. Ekde la jaro 1977 ĝi ne plu estas memstara firmao, sed parto de la eldona grupo Random House de la konzerno Bertelsmann AG.

Post la translokiĝo al Munkeno, la eldonejo en 1952 publikigis sian unuan poŝlibron kaj sekve tute koncenriĝis pri produktado de malmultekostaj poŝlibroj, retiriĝante el la produktado kaj komerco de rigidkovrilaj libroj. Ekde la jaro 1986, jam parto de la eldoneja grupo Random House, la eldonejo tamen rekomencis ankaŭ publikigi pli multekoste vendatajn rigidkovrilajn librojn.

En la 1950-aj jaroj poŝlibre en la eldonejo unue publikiĝis germanlingvaj tradukoj de la krimromanoj de Edgar Wallace, en serio de tipe ruĝaj librokovriloj. La eldonejo instigis kaj disvastigis la germanlingvan vorton "Krimi" kiel mallongigo de la formala vorto Kriminalroman, do krimromano. Al la serio aldoniĝis germanlingvaj tradukoj de la krimromanoj de Agatha Christie, pli poste ankaŭ de Victor Gunn, Arthur W. Upfield kaj Thomas Muir, ankoraŭ pli poste de Francis Durbridge kaj Rex Stout. Pliaj krimromanaj verkistoj kun pli granda nombro de verkaĵoj en la serio estis inter alie Louis Weinert-Wilton, Earl Derr Biggers, John Creasey, Ellery Queen, Dick Francis kaj Bill Knox. Krome en plia "flava serio" publikiĝis literature altgrangaj beletraj verkoj de ekzemple la verkistoj Stefan Heym, Walter Kempowski, Manfred BielerIngeborg Drewitz. Nuntempe publikiĝas tre vasta gamo de fikcia kaj nefikcia literaturoj.

plia impreso de la eldoneja stando en la frankfurta librofoiro 2012

En aparta serio ekde la jaro 1980 publikiĝas libroj pri esoterismo, spiritismo kaj alternativa medicino, komence sub seria titolo Goldmann Esoterik, nun sub seria marko Goldmann Arkana. Ekde la jaro 1998 aldoniĝis serio pri konsilaj nefickiaj libroj, sub seria marko Mosaik bei Goldmann. Samjare ankaŭ aldoniĝis eldoneje verkita enciklopedio, publikigata en 24 kolore presitaj volumoj kaj akompanata per komputildosiera kompaktdisko.

Por plia internacia distribuo de la produktaĵoj la firmao kompreneble intense kunlaboras kun alilandaj eldonejoj kaj tial prezentiĝas en internaciaj librofoioj kiel ekzemple la frankfurta librofoiro en Germanio.

Eksteraj ligiloj[redakti | redakti fonton]