Guéret

El Vikipedio, la libera enciklopedio
Jump to navigation Jump to search
Guéret
Prefektejo de Creuse en Guéret
Prefektejo de Creuse en Guéret

Blazono

Blazono
Administrado
Lando Francio
Regiono Nova Akvitanio
Departemento Creuse
(prefektejo)
Arondismento Guéret (ĉefurbo)
Kantono Ĉefurbo de 3 kantonoj
INSEE kodo 23096 [+]
Poŝtkodo 23000
Kodo laŭ INSEE 23096
Retpaĝaro www.ville-gueret.fr [+]
Politiko
Urbestro S-ro Michel Vergnier
2001-2008
Demografio
Loĝantaro 13 789  (2006)
Loĝdenso 526 loĝ./km²
Geografio
Geografia situo 46° 10′ N, 1° 52′ O46.1705555555561.8683333333333Koordinatoj: 46° 10′ N, 1° 52′ O
Alto De 350 al 685 m)Ŝablono:Informkesto urbo/zorgado/numero
Areo 26,21 km²Ŝablono:Informkesto urbo/zorgado/numero
Horzono UTC +1 (+2 somere)
Situo de Guéret
Alia projekto
Commons-logo.svg Vikimedia Komunejo Guéret [+]
v  d  r
Information icon.svg

Guéret [gere] (aŭ okcitanlingve Garait) estas franca komunumo lokita en la regiono Nova Akvitanio. Ĝi estas la prefektejo de la departemento Creuse.

Historio[redakti | redakti fonton]

Je la 7-a jarcento, iu Lantarius, grafo de Limoges, persvadis la monaĥon Pardulphe (alikonata kiel Sankta Pardoux) enloĝiĝi sur sia kampara tereno nomita Garactus. Pardulphe, ĝis tiam ermito famkonita pro siaj kuracistaj talentoj, konstruis tie monaĥejon, kaj vilaĝo naskiĝis ĉirkaŭ la konstruaĵo. La tuta urbeto estis detruita de la Normanoj dum la 9-a jarcento, kaj nova urbo, Guéret, estis rekonstruita.

La nomo de la urbo verŝajne devenas de la malnova franclingva vorto guéret, kiu signifas ke agro estas plugita sed ne ankoraŭ prisemita. En 1514, Guéret fariĝis ĉefurbo de la provinco Haute Marche. Ĝia administra rolo estis konfirmita en 1790, kiam la malgranda urbo estis elektita kiel prefektejo de la nova, ne tre multhoma departemento Creuse.

Antaŭ la franca revolucio de 1789 kaj la kreado de la departemento Creuse en 1790, Vidaillat apartenis al la franca graflando Marche. Ekde la fino de la 15-a jarcento ĝis proksimume la jaro 1900, tiu regiono estis fama fonto da migrantaj masonistoj, kiuj ĉiujare dum la plej varma periodo laboris en grandaj urbocentroj, precipe en Parizo.

La verkisto Marcel Jouhandeau (1888-1979) devenas de Guéret. Ekde 1924, liaj pikparolaj libroj vortpentris la privatan vivon de la loĝantoj de tiu malgranda urbo, kiun Jouhandeau renomas "Chaminadour".

Ekonomio[redakti | redakti fonton]

La flughaveno Montluçon Guéret troviĝas proksime de Guéret, en Lépaud.

Vidindaĵoj[redakti | redakti fonton]

Ene de Guéret[redakti | redakti fonton]

Cirkaŭ Guéret[redakti | redakti fonton]

  • La kastelo Sainte Feyre estis konstruita sur la ruinoj de pli malnova mezepoka kastelo. Tiu konstruaĵo, kiu datiĝas de la 18-a jarcento, estis starigita laŭ la planoj de arkitektisto nomita Brousseau, konstituas subtilan verkon danke al monumenta ŝtuparo, historia preĝoĉambro kaj la Versailles-stila pargeto de la granda salono.
  • Giganta labirinto troviĝas tri kilometroj sude de Guéret.
  • La lageto Courtille estas libertempa centro.
  • La vasta forsto de Chabrières etendiĝas sude de Guéret. Ĝi gastigas animalan parkon, astronomian observatorion, eks-granitminejojn kaj multajn piedirantajn vojojn.

Bildaro[redakti | redakti fonton]

Ĝemelurboj[redakti | redakti fonton]

Vidu ankaŭ[redakti | redakti fonton]

Eksteraj ligiloj[redakti | redakti fonton]