Gustave Flaubert
Gustave FLAUBERT, en esperanto Gustavo Flober'[1] (naskiĝis la 12-an de decembro, 1821, mortis la 8-an de majo, 1880) estis franca verkisto.
Li naskiĝis en Rouen. En sia verkado li daŭre ŝanceliĝas inter romantikismo kaj realismo, respegulante per tio ankaŭ sian propran internan malakordon. Ofte li estas konsiderata kiel la plej granda stilisto.
Al lia amikaro apartenis verkistoj kiaj George Sand, Guy de Maupassant, Edmond De Goncourt kaj Jules De Goncourt. Flaubert mortis en Croisset.
Flaubert estis filo de kirurgo, sed li mem studis juron en Parizo, tamen pro epilepsiaj atakoj li ne finis la studadon. Post la morto de la patro en 1846 li vivis kun la patrino kaj nevino en Rouen, poste li translokiĝis al la proksima Croisset kaj dediĉis sin plene al la literaturo. Li laboris tre malrapide, strebante pri plej perfekta stilo, tial liaj verkoj ne estas multaj, sed majstraj.
Listo de verkoj
- Madame Bovary (1857, Sinjorino Bovary)
- Salammbo (1862, Salambo)
- L’Éducation sentimentale (1869, Senta edukado)
- La Tentation de Saint Antoine (1874, La Tentado de Sankta Antonio)
- Trois contes (1877, Tri fabeloj)
- Bouvard et Pécuchet (fragmento, eld. 1881, Bouvard kaj Pécuchet)
Pri Gustave FLAUBERT, Jean-Paul Sartre verkis L'idiot de la Famille (1972)
Kinaj adaptoj
Laŭ liaj verkoj estis filmitaj ĉ. 25 filmoj (Madame Bovary 10-foje, Bouvard et Pécuchet 3-foje, Salambo 2-foje).
- Madame Bovary (1933): Kina adapto de Jean Renoir aperinta en 1933.
- Madame Bovary (1937): Kina adapto de Gerhard Lamprecht aperinta en 1937.
- Madame Bovary (1949): Kina adapto de Vincente Minnelli aperinta en 1949.
- Madame Bovary (1991): Kina adapto de Claude Chabrol aperinta en 1991.
En Esperanto aperis
Simpla koro; Herodiasa (du noveloj) / Trad.: L. BOURGOIS ; P. COMBOT. – Paris, 1989
La legendo de Sankta Juliano Helpema / Trad.: Hector Hodler. – Paris : UFE, 1990
Eksteraj ligiloj
greke http://www.fjvenezia.com/Flaubert.html greke http://www.biblioweb.org/-FLAUBERT-Gustave-.html greke http://www.kirjasto.sci.fi/flaubert.htm greke http://www.univ-rouen.fr/flaubert greke Verkoj de Gustave Flaubert greke Verkoj de Gustave Flaubert ĉe Projekto Gutenberg