Hipofeo

El Vikipedio, la libera enciklopedio
Salti al navigilo Salti al serĉilo
Vikipedio:Kiel legi la taksonomionKiel legi la taksonomion
Hipofeo
Ramnoida hipofeo en Nederlando
Biologia klasado
Regno: Plantoj Plantae
Filumo: Angiospermoj Magnoliophyta
Klaso: Dukotiledonaj plantoj Magnoliopsida
Ordo: Rozaloj Rosales
Familio: Elaeagnaceae
Genro: Hippophae
L.
Specioj

Hippophae rhamnoides
Hippophae salicifolia
Hippophae tibetana

Aliaj Vikimediaj projektoj
v  d  r
Information icon.svg

Hipofeo (Hippophae) estas genra nomo kies specio dorna flava hipofeo (Hippophae rhamnoides) apartenas al la familio Eleagnacojj (Elaeagnaceae).

Specioj de la genro : Hippophae rhamnoides
Hippophae salicifolia
Hippophae tibetana

Ili estas dornaj, falfoliaj arbustoj aŭ malofte malgrandaj arboj ĝis 11m. Ili vivas dise en Eŭrazio sur marbordoj, rivervaloj, sabloj, rokoj. Oni plantas ilin ankaŭ kiel ornamplanto.

Ili forte radikiĝas en la grundon, ne havante specifan postulon je grundo. Ili bone rezistas al vintro. La kunvivantaj radikfungoj povas transdoni nitrogenon al la planto.

La folioj longas 1-6 cm, skvamaj arĝente aŭ rustbrune, poste iĝas senskvamaj. La ŝosoj estas same arĝentkoloraj, ofte finiĝas je dorno.

La floroj estas etaj, verdetaj, ruĝbrune skvamaj, unuseksaj. La produktaj floroj staras en spikoj, dum la aliarbedaj stamenaj floroj en mallongaj grapoloj. La fruktoj estas ruĝaj, oranĝflavaj, karnaj, longaj 6-8 mm, acidetaj, unugrajnaj ŝajnberoj.

La frukta enteno je C-vitamino estas dekobla kompare al tiu de la citrono (150-300 miligramoj en 100g.). Oni povas fari el la frukto marmeladon, sukon. ĉar en la frukto mankas askorbinazo, la vitamino ne malkombiniĝas dum kuirado.

Ili estas kuracplantoj, kiuj donas pulpon kaj oleo en la semo.

Vidu ankaŭ[redakti | redakti fonton]