Sociaj retejoj

El Vikipedio, la libera enciklopedio
(Alidirektita el Interkona retejo)
Salti al navigilo Salti al serĉilo

=> Ne konfondu kun socia reto (sociologio)

Sociaj retejojsociretejojsociaj amaskomunikiloj (angla: social media) estas interretaj servoj, kiu permesas al uzantoj krei kaj konservi socian reton, kiu povas konsisti el ekzistanta eksterretaj sociaj kontaktoj (socia reto), sed ankaŭ povas konsisti el interretaj uzantoj, kiuj neniam renkontiĝis. Tamen ĝi ofte havas miksitan karakteron Multaj el ili ankaŭ gastigas aliajn servojn kiel babilejoj, blogoj kaj forumoj.

Socia retejo estas uzata por kundividi ekzemple personajn spertojn, opiniojn, novaĵojn kaj aliajn informojn kun aliaj. Membriĝi kutime okazas per la malfermo de konto kaj profilo, kiu povas esti ligita al la profiloj de aliaj membroj.   

Ĉar pli kaj pli multaj sociaj retejoj ekestis lastatempe, aperis ankaŭ iloj kaj platformoj por kombini la plej bonan el diversaj sociretejoj kaj eviti perdi tempon konservante ĉiun profilon individue. Ekzemploj de ĉi tiuj platformoj estas Tweetdeck, Yoono kaj la Interreta Pasporto.

Ekonomikisto Xavier Wauthy (UCL) argumentas ke ĉiu, kiu opinias ke li aŭ ŝi estas senpage membro de socia retejo, tamen pagos la membrecon pro pli multekostaj produktoj de kompanioj kiuj pagas por varbi sur tiuj retejoj[1]. Wauthy atentigas ke uzantoj de tiaj retejoj fordonas personajn informojn, kiujn la retejoj povus vendi, vidpunkto kiun ankaŭ Jaron Lanier disvastigas[2].

Kelkaj konataj ekzemploj estas Amikumu, Facebook, VKontakte, WeChat.

Nubo.re estas ekskluzive 'nur esperantista' socia retejo. Komparo de esperantistaj sociaj retejoj (angle) sur Esperanto Hub.

Celgrupoj[redakti | redakti fonton]

Sociaj retejoj uzas enhavon kiun uzantoj enretigis (uzanto-generita enhavo). Ĉi tio igas ĝin tipa ekzemplo de la tiel nomata Web 2.0 kaj kreskigas la scion pri klientoj kaj ilia konduto por kompanioj, amaskomunikiloj kaj esplororganizaĵoj.

Estas pli kaj pli da sociaj retejoj en rilato al specifa temo aŭ niĉo; ekzemplo estas LinkedIn, kie uzantoj povas resti en kontakto kun komercaj partneroj kaj serĉi projektojn aŭ homojn kun specifa kompetenteco pere de siaj kontaktoj.  

Krom la pure sociaj retejoj, kie la profilo kaj la amikaro estas la kerno, ekzistas ankaŭ multaj alicelaj retejoj kiuj prilaboras elementojn de sociaj retejoj. Ekzemple, homoj kun konto en Flickr kaj YouTube ankaŭ povas indiki, kiuj estas iliaj kontaktoj por resti informitaj pri nova materialo de ĉi tiuj kontaktoj.

Listo de sociaj retejoj[redakti | redakti fonton]

Jen listo de rimarkindaj sociaj retoj

Nomo Priskribo/Fokuso Uzantoj Eo-versio
Amikumu (aplikaĵo) Lernado de lingvoj i.a. Esperanto pli ol 10000 Jes
Nubo.re Nur esperantistoj, serĉado de membroj laŭ nomo, forumo, simplaj grupoj, profiloj, eventoj, komercaj paĝoj. 440 [3] (aprilo 2019) Jes
VKontakte Originale fokusis al la ruslingva junularo kaj studentaro, sed iĝis ĝenerala socia reto por rus-parolanta mondo. 420 000 000[4] Jes
Unilang Por tiuj kiuj interesiĝas pri lingvoj kaj lingvistiko i.a. Esperanto. Membroj kunordigas mem siajn interesoprojektojn. Reta forumo kaj babilejo. Subteno de Unikodo por skribi en diversaj alfabetoj. Membroj povas krei kaj disdividi lingvo-kvizojn. Interfaco tradukas ĉiujn retpaĝojn. 4 500 Jes
esperanto.com Esperantistoj 8289[5] Jes
ipernity Fotado, blogado kaj videoj sur kiuj aktivas multaj esperantistoj. 100 000 Jes
Mastodon Simila al Twitter kaj Tumblr, sed sencentra kun profiloj laŭ intereso, uzebla sur apoj android, iOS kaj aliaj platformoj. Ekzistas eta Esperantista komunumo en Mastodon. Ĝi ne retroveblas per la plurlingva falmenuo sur joinmastodon.org, sed troviĝas en la nur esperanta nodo esperanto.masto.host kaj dise en diversaj nodoj. Kelkaj el ili estas troveblaj uzante la kradvorton #esperanto 1 000 000 Jes
Kunligo Esperantistoj ĉ.100 Jes
Facebook Originale fokusis al lernejoj kaj universitatoj, sed iĝis ĝenerala internacia retejo 1 800 000 000[6] Jes
Lernu! Ne estas ĝenerala socia reto, sed destinita kaj multe uzata de komencantoj kaj progresantoj de Esperanto sur Lernu.net 200 000 Jes
identi.ca Pepada retejo, havebla en 30 lingvoj ? Jes
Diaspora Novtipa retejo 660 000[7] Parte
Advogato Libera Softvaro, ne plu ekzistas 13 575 Ne
Bebo Lernejoj kaj universitatoj 40 000 000 Ne
Care2 | en Ĉefe por politikaj kaj ekologiaj aktivistoj kiuj kundividas peticiojn kaj informartikolojn 9 961 947 Ne
Cyworld Junaj sud-koreoj 24 000 000 Ne
Flickr Ĉefe por kundividi fotojn kaj (ekde 2008) ankaŭ filmetojn (maksimume 90" kaj 150 MB) 32 000 000 Ne
Friendster Ĉefe uzata de ŝatantoj de komputilludoj en Azio (en aziaj lingvoj kaj la hispana). Pauzas ekde 2015. 90 000 000 Ne
Google+ Ĝenerale, fermita en 2019. 3 400 000 000[8] Ne
Hyves Ĝenerale; koncentriĝo pri studentoj kaj nederlandparolantoj 10 097 000 (fermita en 2013) Ne
Instagram Fotoj, filmetoj 600 000 000[9] Ne
Last.fm Muziko 30 000 000 Ne
LinkedIn Komerco 470 000 000 Ne
LiveJournal Blogado 17 564 977 Ne
MySpace Ĝenerale 130 000 000 Ne
orkut Ĝenerale 100 000 000 (fermita en 2014) Ne
StudiVZ |de Gelernantoj kaj universitataj studentoj, plejparte germanparolantaj, kunfondita de esperantisto Dennis Bemmann. 1 000 000 Ne
Stumbleupon | en Retumado. Servo haltis en 2018. 8 822 921 Ne
TIG Ĉefe en Kanado kaj celas konsciigon pri tutmondaj problemoj, interkulturan dialogon kaj interkompreniĝon. TIG-revuo diskonigas kontribuojn de siaj membroj. Global Gallery disponas pri multegaj belaj fotoj rilate al tutmondaj temoj. 116 000 Ne
Tuenti Hispanaj studentoj kaj lernejanoj 4 500 000 Ne
Twitter Blogetado 300 000 000 Ne
Xanga Blogoj kaj urbegaj regionoj 27 000 000 Ne
XING | de Komerco, ĉefe Germanio kaj Eŭropo 8 000 000 Ne
43 Things | en Retekp kiu forte koncentriĝis je RRS-fluo 627 000 Ne
Gaia Retejo pri filmetoj, kursoj, ktp 36 467 Ne

Referencoj[redakti | redakti fonton]

  1. (fr) Xavier Wauthy, La Gratuité c'est le vol payant !, (PDF), CEREC, Facultés universitaires Saint-Louis & CORE
  2. (en) Ŝablono:Citeer web
  3. Ĉefa paĝo Bonvenon al Nubo.re. nubo.re. Alirita 2019-04-05.
  4. Каталог пользователей ВКонтакте (ruse). VK. Alirita 2017-03-18.
  5. Ĉefa paĝo Nia Esperanto-komunumo. esperanto.com. Alirita 2017-03-18.
  6. aktivaj uzantoj en la monato, decembro 2016, laŭ newsroom - Company Info Stats (angle). Facebook. Alirita 2017-03-18.
  7. Welcome to the new social web (angle). The Federation. Alirita 2017-03-18.
  8. Greg Miernicki. Google+ Growth (angle). Alirita 2017-03-18.
  9. About Us (angle). Instagram. Alirita 2017-03-18.