Jicĥak Muĉnik

Jicĥak Muĉnik
Persona informo
Aliaj nomoj	Kincum
Naskiĝo	5-an de aprilo 1894 (1894-04-05) en Ŝepetivka
Morto	30-an de novembro 1974 (1974-11-30) (80-jaraĝa)
Tombo	Kfar Yehoshua (en)
Lingvoj	Esperanto • hebrea
Loĝloko	Kfar Yehoshua • Brita mandato Palestino
Ŝtataneco	Rusia Imperio Brita mandato Palestino
Okupo
Okupo	esperantisto kontisto librotenisto tradukisto

Jicĥak (Isĥak) MUĈNIK (alia transskribo Isak; ps. Kincum) (naskiĝis la 5-an de aprilo 1894 en Ŝepetivka, tiam en la Rusia Imperio, nun en Ukrainio) estis rusia juda librotenisto kaj esperantisto.

Li estis unue librotenisto, kaj poste, en Palestino, koloniisto kaj pioniro por la rekonstruo de la lando.

Li ekesperantistiĝis en 1910. Li starigis Esperanto-rondojn kaj kursojn en la regiono de Ŝepetivka (Luhanska provinco), kie li loĝis ĝis 1920, kaj poste elmigris al Palestinon kun grupo de lokaj amikoj (nomata pioniroj de Ŝepetivka) kiuj formis novan setlejon en la Galileo, apud la Kineret lago, nomatan "Har Kineret" kaj tie laboris kiel terkultivistoj. La 22-a de junio 1923 li geedziĝis kun Hannah Kacka, samtempe kun du aliaj novgeedziĝaj paroj en la grupo. En 1928 li setlis en Kfar Yehoshua.

Li verkis artikolojn rilatajn al Esperanto kaj lingvistiko, kaj tradukis iuj el la rakontoj de Ŝolom Alejĥem en Esperanton. La traduko estas konata "Hebreaj Rakontoj".

Verkoj

• 1914: Listo de Novaj Zamenhofaj Vortoj. En: Oficiala Gazeto Esperantista [OGE] 7a vol. jun. 1914 n-ro 1 (67), p. 1-3 (konkordanco de tri tradukoj el la Malnova Testamento).
• 1923: Hebreaj Rakontoj (traduko de Salom-Aleĥem, en 1923).
• 1925: Esperanto lingvo internacia. Propra broŝuro, Jerusalemo, 1925(?).

Recenzoj

Pri Esperanto lingvo internacia

	„ Kelkaj vortoj pri la esenco de Esperanto en Hebrea lingvo kun aldono de la tuta gramatiko kaj bildo de d-ro Zamenhof. ” — Brazila esperantisto 1925 j16_n10-12_okt-dec

	„ Instrua kaj propaganda broŝuro, akompanata de grandformata afiŝego instrua. Ambaŭ en hebrea lingvo. ” — Bulgara Esperantisto j07 n04 dec. 1925