Józef Zarański

El Vikipedio, la libera enciklopedio
Salti al navigilo Salti al serĉilo
Józef Zarański
Persona informo
Naskiĝo 10-an de marto 1903 (1903-03-10)
Morto 11-an de julio 1972 (1972-07-11) (69-jara)
Profesio
Profesio diplomato
Information icon.svg
vdr

Józef Makary Zarański (naskiĝis la 10-an de marto 1903 en Krakovo, mortis la 11-an de julio 1972 en Londono) – pola diplomato kaj konsula oficisto, poste laboranto de Pola Sekcio de BBC kaj ĝia direktoro (1961-1966).

Vivo[redakti | redakti fonton]

De 1927 laboris en Ministerio pri Eksteraj Aferoj, interalie kiel sekretario de Pola Ambasado en Londono (1931-1934), ĝenerala konsulo en Vieno (20-a de marto 1938 – septembro 1939), delegito de pola registaro en ekzilo pri rifuĝintoj en Hungario (de septembro 1939-1940). Kontraŭ la hungaraj regopovoj prezentiĝis kiel ĝenerala konsulo de Pola Respubliko en Budapeŝto (1940- januaro 1941). Aŭtune 1941 forveturis al Britio, estis sekretario en Ministerio pri Eksteraj Aferoj (de septembro 1941-1943), sekretario de ambasado en Londono (aprilo 1943-januaro 1944), ĉefo de sekretario de Ĉefministro (januaro 1944-decembro 1944). De junio 1946 laboris en Pola Sekcio de BBC, en kiu preparis interalie historiajn disaŭdigaĵojn. Ties direktoro en la jaroj 1960-1966.

Verkoj[redakti | redakti fonton]

Aŭtoro de libro Enigmo de la Ĝibraltara Katastrofo post 15 jaroj (1959) kaj rememoroj Atestanto de eventoj. De Anschluss ĝis Jalto (Londono 1968).

Distingoj[redakti | redakti fonton]

En 1933 estis distingita per Oficira Kruco de Ordeno de la Krono (Rumanio), en 1938 per la pola Ora Merit-Kruco, kaj en 1939 per greka Komandora Kruco de la Ordeno de Fenikso.

Bibliografio[redakti | redakti fonton]

  • Słownik Biograficzny Polskiej Służby Zagranicznej 1918-1945 (Biografia vortaro de Pola Eksterlanda Servo 1918-1945). Volumo IV, Eldonejo de Ministerstwo Spraw Zagranicznych, Varsovio 2007
  • Krzysztof Pszenicki, Tu mówi Londyn. Historia Sekcji Polskie BBC (Ĉi tie parolas Londono. Historio de Pola Sekcio de BBC), eldonejo Rosner & Wspólnicy, Varsovio 2009
  • Antoni Pospieszalski, Wspomnienie o Józefie Zarańskim w Wiadomości nr 36 z 3.09.1972 Rememoro pri Józef Zarański en "Wiadomości"