Júlia Sigmond

El Vikipedio, la libera enciklopedio
Salti al navigilo Salti al serĉilo
Júlia Sigmond
Persona informo
Naskiĝo 11-an de julio 1929 (1929-07-11)
en Turda
Morto 23-an de marto 2020 (2020-03-23) (90-jara)
en Piaĉenco
Mortokialo COVID-19
Lingvoj Esperanto
Ŝtataneco HungarioRumanio
Familio
Frat(in)o István Sigmond
Edz(in)o Sen Rodin
Okupo
Okupo esperantistoaktoro
Information icon.svg
vdr

SIGMOND Júlia [ĵigmond] estis rumania hungara pupaktorino, verkistino en Esperanto, redaktorino. Ŝi estas naskita en Turda la 11-an de julio 1929 kaj forpasis pro COVID-19 en Piacenza la 23-an de marto 2020. Ŝi estis la fratino de la verkisto István Sigmond kaj la edzino de Sen Rodin.

Kariero[redakti | redakti fonton]

Júlia Sigmond estis pupaktorino de la hungarlingva sekcio de la pupteatro de Kluĵo, Rumanio, kunlaborintino ankaŭ en la internacia lingvo ĉe la prezentado de marionetteatraĵoj okaze de internaciaj renkontiĝoj. Ŝi esperantistiniĝis en 1956. Ŝi estis ĉefredaktorino de la revuo Bazaro (aperis 50 numeroj) kaj kunlaborantino regula de la magazino Monato.

Premioj en la belartaj konkursoj[redakti | redakti fonton]

  • 1969 - Nova Talento: Interdivido (poemo)
  • 1997 - Prozo, 2a premio: Kiam mi pardonis al la kato?
  • 2000 - Prozo, 1a premio: Mi ne estas Mona Lisa
  • 2009 - Prozo, 2a premio: Viola

Verkoj[redakti | redakti fonton]

  • 2001 - Mi ne estas Mona Lisa, (eld. Bero, Berkeley)
  • 2008 - Kiam mi estis la plej feliĉa en la vivo? (kompilita de la aŭtorino), (eld. Triade, Cluj-Napoca)
  • 2009 - Novaj fabeloj pri Ursido Pu kaj Porketo (kd)
  • 2011 - Nomoj kaj sortoj (12 noveloj), (eld. Exit, Cluj-Napoca)
  • 2013 - Dialogo (unu poemo en la originalo kaj 52 tradukoj), (eld. Exit, Cluj-Napoca)
  • 2013 - Libazar' kaj Tero (komuna verko kun Sen Rodin, ŝia edzo), (eld. Mondial, New York)[1]
  • 2015 - Kvodlibeto (komuna verko kun Sen Rodin, ŝia edzo), (eld. Exit, Cluj-Napoca)
  • 2016 - Kvin geamikoj, (eld. Exit, Cluj-Napoca)
  • 2017 - Fronto aŭ dorsko, (eld. Dokumenta Esperanto-Centro, Đurđevac)
  • 2017 - Doloro (unu poemo en la originalo kaj 54 tradukoj), (eld. Exit, Cluj-Napoca)
  • 2018 - Steĉjo-Fabeloj, (eld. Exit, Cluj-Napoca)
  • 2018 - Dankon (unu poemo en la originalo kaj 62 tradukoj), (eld. Exit, Cluj-Napoca)
  • 2019 - 90, diversaj tekstoj okaze de la 90-jariĝo de la aŭtorino (eld. Exit, Cluj-Napoca)

Fontoj[redakti | redakti fonton]

  • Somera numero de la revuo Spegulo, 2009.
  • Júlia Sigmond (persone)

Referencoj[redakti | redakti fonton]

  1. Christian Declerck: Fabele fantazia, ja fikcie scienca, recenzo pri Libazar' kaj Tero. Kvarmana sonato dutonala de Julia Sigmond kaj Sen Rodin, Beletra Almanako, nº 22, Mondial, Novjorko. paĝoj 105-108. (La libro aperis ankaŭ en hungara, rumana kaj itala versioj.)

Eksteraj ligiloj[redakti | redakti fonton]

Ĉi tiu artikolo estas verkita en Esperanto-Vikipedio kiel la unua el ĉiuj lingvoj en la tuta Vikipedia projekto.